رسمتك
والقلم خظّر غصن تين
ولأن لامس خدودك
كطّر ابياض
رسمتك
والكماري الضاوية سنين
يرحن فدوة لك ويرجعن اركاض
تلمك ياقصيدة ويادواوين؟
اذاحسنك
امدوووخ سوك عكاظ
ولأن ماجاب حسنك لسة رسام
شكك لوحتة بيكاسو واغتاض
من لحظ الحلو تتشرد صكور
بس لحظك
وحيدايصيدالالحاظ
يل شفتك عسل من نهر فردوس
علاج وبي مناعة لكل الامراض
ولتكلي من اكضك
ارتجف ليش
جف ابلا عظم كل عمري ماكاض
ساحر كل جمالك عالارض فاض
ومن تمشي وراك تخظر الكاع
بثر جدمك يطك البردي
قدااااح
ويشم عطرك كصب ويصير نعناع
تاهت جم نجوم ابير عيناك
ونزل بلكي الكمريلكاهن
وضاااع
الشمس منك تخزن ضوء لنّاس
وتصير مراية تعكس منك اشعاع
ياشمس الربيع الصاكر غيوم
اذاغيمة تشوفك تمطرابساع
امنية الشعريوصل للابداع
ويوصل الك لحضة
امنية الابداع
واجن سرب القوافي ابابك اجواع
وشربن صووووتك
وغنن حمامات
تاج ابطن تاج امرصع الماز
ياعنصر ذهب
سيد الفلزااااات
لووون الجاهلية تشوفك اليوم
جاعبدتك كلهة وعافت اللات
ولك دنيا ظهر لم شعرك بساع
اخاف تضنة ليل
الوادم تبات
ملوك الارض دكتلك تحيات
ماشافوك بس كللهم الريح
ولك غمض عيونك وارحم الناس
وأمنهة بسلاسة
طيهة توضيح
اخافن نبتلي بصدات عيناك
لأن مبنى التجارة العالمي ايطيح
خالدالسعد
رد مع اقتباس
