هنا

[خالدالسعد]

الشاعر ألذي أنتقد نفسه .. ؟؟

شاكر الخباز
كانت لافتة التعزيه التي خطها المثقف العراقي ( غسان سعدون) في (الشارع العراقي ) وفي القراءة ألثانيه لها بعد مرور
هذه السنوات على ثباتها في الواجهة 000 الأثر العميق في وضع القصيدة على خط الشروع 0
إليكم مضمون إللافته00 مع الاعتذار من الأستاذ غسان على الأضافه البسيطة التي تمت عليها
تعزيـــــــــــه
انتقل إلى رحمة ( أمريكا ) عراق الحضارة والد كل من ( بغداد والشعراء والصور ) على أثر سطو مسلح ليلة
19 \ 20 \ 3 \ 2003 وأقيمت ألتعزيه على مساحة الجرح المسمى بالأنسانيه اعتبارا من ذلك التاريخ إلى أن (تزال هذه الغمّه
عن هذه الأمه)
ولا حول لهم ولاقوة الأ بالدولار وأنا للعراق وأنا إليه راجعون
من الشاعر – المدعى عليـــــــــــــــه
الى – الشاعر المدعي ...؟


أشفضل منك بعد وشـّظل
أريد أكسر عليك
أشويه لاتزعل
جبتها أ تلهوگ . . أمن أهناك لهنا
بس دخان يعمي
أو طكطكت حرمل
شعرك ما فتح ديوان ( أبي تمام )
ولا شعبي
أو ونينه
ايوشر المنجل
لا بيه من سلا سه أيغني بي ( زرياب )
ولا ثار الحماسه
( أبحومة الجندل )

چنت أحسن معلم
قافيه أو موزون
وبكل المدارس
صــفّـّـك أمفضّل
لعبت أويه الشعر
وبحوره ( صـگله أو لاگ )
محد گالك
ذاك الوزن مخـّـتل
لابحر الطويل
أويه – الرمل - مخلوط
ولا حته – البسيط
أمن – الرجز - چمـّل
شجاك
أو دوهناك
أو ثلت وتشلبيت
لهابط مو لفوڴ أو لفلفاك الظل
========
نارك من دوّت
ماذوّبت حالوب
ولاغيمك ترّس
من المطر جــردلّ
لا أنت الجبان السـلـّمت( بغداد )
ولا أنته مثلهم
شاربك صنـّدل
من أول الصدّمه
الريح تلّعب بيك
لو هبّت اجنوبي
الماخذك شـــمّل
أولو ذبــّك العالي
أبطرف ( كوت الزين )
حسبالك أمان
أو تمشي ( بالمشـّتل)
لاأنت الصرت عنوان
بيك أنلــــــــــــوذ
ولا صورة ملاك أوبيك نتأمل
ولاعندك عقل يوزن بلد ورتاح
ولا أنته سفيه الراي ومخبّل
عافاك الفر ح مايوم مرحـّب بيك
من كثر الحزن دمع الحزن وشــّل
دظل متكدرأ ومستاحش
اومذهول أوخلي الماسأل عن خيبتك يسأل
=============
معقوله صرت بالوصف ( چك نــدّاف )
أو أنته الـچنت عيطه أوبالنخل أطــوّل
تتباها انته أگرب من جفن للعين
والكل الجفون الشالتك مكـّحـــــــــل
وتبالط أذا يخطف عليك أشراع
وتخلي النواخذ بالسفن تنذل
تلم أطرافها اللو شخبطولك بيت
وتفـلـّش ( عكاظ ) أو ترّمح أمهدّل
تاليها الرقيق اتبيعك ابدولار
أنته
أو قلمك أو أوراقك أوترّحل
تكتل
تنكتل مو مشكلة سرحان
مشكلتك لأن سرحان بيده الحـلّ
ليمته أتظل خرابه الغير يـگطف بيك
كل هاي الزباله أو أنته تتململ
تستنكر
تدين
أو تشجـّب أو تحتـّج
كل هذا العجين أطحين كل من ذ ل
أ ثـگب
فرهد الفرهود
من فرهـــــــــــــــــود
رد الفرهدوه من عمرك الآجمل
رچيچ أو داعتك
بس گله ـ بــّز ـ أيطيح
ماعنده أساس أوسگفه من چنــّدل
صدگ طگت عليك الخاينات اشكال
أوصدگ مامن بشر من سايته أمحلــّل
أوصدگ زعبل عليك أبن المذّلـــه أذنوب
أوذ ّب أذنوبه بيك أوگام يتمنــّدل
بلاكت من تجيك الحمـّـه من رجليك
خل راسك يظّل بالعافيه أمكمــّل
ألا تذكر الشاعر گبل يومن گام
وتوچـّه أعله طوله أو حرّم أوحلـّل
( بأنا المنعمون أذا قدرنا00
وأنا المهلكون أذا أتينا
وأنا الطالبون أذانقمنا
وأنا الضاربون أذا أبتلينا
وأناالنازلون بكل ثغر
يخاف النازلون به المنونا )
ألا تذكر الحر بن الرياحي أو ليش؟
صفط ويه ( الحسين )أودشّن المقتل
-ــــــــــــــــــــ ــــــــــــــــــــ ــــــــــــــــــــ ــــ
( الخوارزمي ) أ عتذر
وحتار بيك أو داخ
من تقبل ( القسمه ) الضرب يتخلخل
بس رادو أبطرحك تقبل المقسوم
ﭽيه شافو أ حزامك بالحشر منحّــل
عمامك
موأدنان الشلب يا حمدان 0 ؟
أهلك بيهم الصـﮔار والصيـﮔل
أحتووك
أو لو ثووك أوسمـّكرولك راس
أعــــــــــوّج
مارهمله أعــﮔالك ألأول
هذني العندي عنك
مته أ تشك الــﮔاع
وتخلي الشوارع .. تبلع المحتل !

[ارجع يازمان]

الصمت في حرم الجمال جمال

[تشارليز ليلان]

جميل

[خالدالسعد]

الصمت في حرم الجمال جمال

شكرا لاطلالتك البهية

[خالدالسعد]

جميل

ذوقك الاجمل شكرا