قصيدة : لا تسأل عن حالي شلوني .
الرادود الحسيني المبدع : محمد الجنامي .
كلمات الشاعر الحسيني : كرار حسين الكربلائي .
محرم الحرام 1443-2021
لا تسأل عن حالي شلوني .. انة بخير وانتة گبالي
رمحك لايگلك يبن امي .. هو العالي يريد العالي
مرات الدمع ينشاف موقف والدليل بهاي
امنة فاطمة يحسين تحفظ دمعة البجاي
صارتلك فرات العين من شفتك بعازة ماي
من شفت الشمس فوكاك صارت بنت ابوك فياي
ماتعطش مادام عيوني .. بيهن شوف ودمعة تلالي
والشط مايصعد للغيمة .. هو العالي يريد العالي ..
بس بالاسم مسبية طلعت الثورتك آيه
كلها تشوفني العباس بس ما شايلة الرايه
هودج ماكو ع الناگة صحيحة هاي الحجايه
بس انه السبي كله بروس اخوتي مغطايه
منحر يم منحر وگفولي .. بهيئة خيمة تغطي اخيالي
هاشم يا گاع تكفيهم .. هو العالي يريد العالي ..
صعدتوا اعلة الرماح اشموس وعرف مگصدكم احساسي
هلي تريدوني من اشتاق الكم يرتفع راسي
بس وداعة العباس ابد ما رجفت انفاسي
راسي مايطخ للگاع انة العرش مقياسي
زينب ياسوط اليحنيها .. وجف عباس يعيش ابالي
الله اختار الطف لناسه .. هو العالي يريد العالي ..
تعبت ناگتي وما يوم حست بيه تعبانه
ورويت الحبال ادماي من كالتلي عطشانه
من عنكم سألني وراد يشمت ابن مرجانه
گبال الناس ذليته وجفيت دلال ديوانه
تحلم كتله تشوف دموعي .. ما يرخص عد زينب غالي
ربك راد اخوني وخذهم .. هو العالي يريد العالي ..
ضميت الدمع يحسين بس عاطفتي ماتگدر
راسك بالطشت جابوه وبديت اعليك اتحسر
مالومن رقية تموت لمن شبگت المنحر
يجرح المانساني اسنين اكبر والجرح يكبر
يمك عفه اتواسي عفه .. شيصبر يحسين اعيالي
اسمك يضوي بعرش الباري .. هو العالي يريد العالي ..
للاستماع الصوتي MP3
رد مع اقتباس
