قصيدة وحي جروح
الرادود مسلم الوائلي
كلمات كرار حسين الكربلائي
محرم 1443-2021
يحسين اخذ كل العمر
وانطيني ساعة ابجيلك
شمسوي بية منحرك
خل منبرك يحجيلك
يمعطش الماي .. بجي هواي
بالعيون لعيونك
شفتك وحي جروح .. ولا روح
ولا عيش من دونك
عندي اجمل احساس .. حجي الناس
يكولون مجنونك
ربيت بمجلسك دمعة
عشگ روحي المجالس
الحياة بلا بجي ظلمة
وابد مابيها واهس
شلي بعمر مابي حزن
يالماكو دمعة بكدك
احرمني من شم الهوة
ولا انحرم من عندك
خليني وياك .. مثل جون
عبد جان بخيامك
وين استحق هاي .. تمنيت
صرت گاع لجدامك
اشكبرك يمولاي .. والاملاك
يخدمون خدامك
متت ضامي وترويني
نهر ماعندي غيرك
عمت عيني انسلب ثوبك
وانة مغطيني خيرك
يوم اليمر مابي لطم
ماينحسب من عمري
بصدرك سحك حافر فرس
ياريته يسحك صدري
الماعنده عاشور .. ولا يوم
يمر شيب يم راسه
الما مجوي بخيام .. حجي النار
فلا عاش بحساسه
الما يعرف حسين .. حرامات
هو يعيش بانفاسه
وحك شيلة بخت امي
اموت وما اعرفك
وحك دمعة ابوي عليك
ابوي الثاني اشوفك
انت الاهل يابو علي
يابعد كل البية
يالماكو مثلك بالخلك
ياعالم الحنية
ياواهب الجاه .. حسيناه
شكثر صيت منطيني
بشوغة رضيعة .. احلفك
الك دوم بجيني
باوعلي مولاي .. بدونك
اضيعن تدريني
يبيرغ هاشم العالي
شكثر بخته اليخدمك
ملك ضيعتي بين الناس
عبد خليني يمك
للاستماع الصوتي
MP3
رد مع اقتباس
المشاركة الأصلية كتبت بواسطة ۛ ּمــذڪــڕاټ ̨؏ــاڜــڦ
