هنا

[ارجع يازمان]

وين زينب!!
وين زينب رايد أسئلها ابسؤال!
اشلون لمن ناظرت ذبح الحُسين
,
امنين اجاها هالصبر والإعتدال؟
والجفوف امطشره ايسار ويمين,,
,
اشلون سمعيتي صدى ايهد الجبال
من ينادي احسين ويريد المعين!
,
اشعرفج بحسين والاف النبال
بيهن اتغطه وكطع صوت الأنين!!
,
هذا عبد الله المثل ماي الزلال
السهم حز ركبته وضاع الحنين!
,
السهم ما شيب ابذاك القتال؟
والمصيبه ابكربله اتشيب الجنين!
,
طاحت الأقمار كلها ابهل نزال
ابيوم عاشر للأبد يبقه الحزين!
,
ابمحرم صفوا اخيول ورجال
طالبين ابثارهم بدر وحنين,,
,
ال اميه المايعرفون الحلال
من الاول رفضوا النور المبين!
,
الوصف ثابت عليهم لا يزال
والنسل من شجرة ابليس اللعين!
,
صرتي مسبيه؟ وعلي سابع محال
ابطريق الشام غلطانه السنين!
,
انتي اخت عباس مابيها مجال
اشلون أسيره؟ وتمشي بيد الظالمين!
,
الشمس لبست ليل جابتلج خَيال
حتى ميشوفون خدر الطاهرين
,
هاي زينب ياقدر بالله تعال
انته تتحمل اهموم العالمين!
,
اليزيد اتروح متقيده ابحبال
زينب ام العفه والصيت اليقين
,
تدخل ابديوان أشباه الرجال
بي يزيد ويمه شلة حاقدين!
,
اكبالها ايشتم ابوها باإنفعال
سمعاها احجاية الحقد الدفين!!
,
إبقتل سبط النبي امسوي احتفال!
وبيده راس احسين كاعد يستهين!
,
ايكول لعبت هاشم وزاد المقال
والوحي مانازل الطه الأمين!!
,
حتى ما عنده ابدين الله,,احتمال!
أبن هند وصار أمير المؤمنين!!
,
تالي يتباهه وكطع ذاك الجدال
ابصولجان ويضرب ابثغر الحُسين!
بيده عصه ويضرب ابثغر الحُسين,,
حسين االساعدي

[تشارليز ليلان]

احسنت الاختيار

[خالدالسعد]

جزاك الله خير

[ارجع يازمان]

احسنت الاختيار

احسن الله اليكم

[ارجع يازمان]

جزاك الله خير

اجوركم اعظم