هنا

[اميرالفتلاوي]

كلمات قصيدة ملاگه الرماح سيد فاقد الموسوي

اداء : سيد فاقد الموسوي
كلـمات : عدنان الغزي

..............................

يزينب علي الأكبر للحرب راح
واخاف عليه من ملاگه الرماح
يزينب راح مني ابني ونار جفاه تلهبني
واخاف عليه من ملاگه الرماح

..............................

علي الأكبر عزيز ونص اله چبدي وانه الفرگاه يختي حيل ماعندي
هذا ابني شبيهة المصطفى جدي حشمي امه يزينب للخيم ردي

تدعي الباري يردة .. شبيهة المصطفى جدة
محمد بالوجهة والليل مصباح
واخاف عليه من ملاگه الرماح

..............................

دخل لاگه الرماح ابن اخو العباس شردت ناس منه وسلمت ناس
طلع بين العساكر يصدح الطاس من بكر ابن غانم جايب الراس

الأرامب صيد مو صيدي .. جبت راس البطل بيدي
كفو يالما تنازل عند الصفاح
واخاف عليه من ملاگه الرماح

..............................

طلب ماي واجيب منين اله الماي لسانك على لساني وماكو بس هاي
لا عمك واحشمة ويوگف وياي يبني خلافك اصبح وليه لعداي

العساچر ثار تطلبني .. واخاف تروح تتعبني
بچتلك والگلب ما عايز جراح
واخاف عليه من ملاگه الرماح

..............................

راح وچني ادري بروحته يموت ولاگه رماح بيها الموت مثبوت
صاح ادركني بوية بعالي الصوت وادعي الردته ونيت بسكوت

هنا نار الگلب تلهب .. الأكبر راح يزينب
تهدم سور صبري وعلى الظهر طاح
واخاف عليه من ملاگه الرماح

..............................

فر بيها المهر واتعنى للگوم تگطع بالخناجر حلو الرسوم
گومن للعزة يزينب يچلثوم جبته الچن ذبيح تسبحه الدموم

الأكبر سابح بدم .. يزينب شرد اگل لأمه
انه عليه العذاب وهو الرتاح
واخاف عليه من ملاگه الرماح

..............................

شيصبرني بغيابك والصبر مر حگ يبني عليك الگلب يفطر
على الدنيا العفى بعدك يالأكبر چوانين المصيبة بگلبي تسعر

الصبر يتصبر بصبري .. ولله فوضت امري
بنهار العمر غابت شمس الصباح
واخاف عليه من ملاگه الرماح
.......
للتحميل بصيغة mp3

[❀ ميكان ❀]

اميرالفتلاوي
،
تسلم صديقنا المبدع لمجهود الحسيني الرائع
بارك الله فيك ، في ميزان حسناتك يارب
موفق

[علي الواسطي]

شكرا عالمجهود

[تشارليز ليلان]

احسنت النشر