كلمات قصيدة وحدك ماتظل يحسين باجر - الحاج باسم الكربلائي
................
قصيدة : وحدك ماتظل يحسين باجر
للشاعر محمد رسول الحميري
ليلة 22 محرم الحرام 1443 هـ
عزاء تجمع اهالي جميلة المركزي العراق - بغداد
........................
وحدك ما تضل يحسين باجر
ناخذ ثاركم من الحوافر
........................
ثق من كل كتر يحسين تتعنالك الزوار
ياخذ واحد وسبعين بس يعوضك بمليار
ربك ما رضاهه عليك امك فاطمة وتحتار
يحسين انته تطلب ثار معناهه الله يطلب ثار
بس أشر يبو الاحرار تامر
ناخذ ثاركم من الحوافر
........................
يوكف مستحي التاريخ يم خدامك الهيبه
واحدهم عرش بلقيس من تأشر يجيبه
انت الربعك مبينين بيهن مرجله وطيبه
يتمنى اليزورك كون نار خيامك اصيبه
زاير ينتجي على متون زاير
ناخذ ثاركم من الحوافر
........................
لو كتلهم تموتون ثق جا جاوبوا تؤمر
ما بيهم هذاك الكال كبران النبي ويهجر
ما وكفهم التفجير يدرون بطريقك مر
تلكه بنصهم ابن القين وبنصهم وهب والحر
الحبك صدك كل عمره عاشر
ناخذ ثاركم من الحوافر
........................
هنياله اليموت عليك من كل كلبي هنياله
ما يتحاسب اليلكون اسمك طابع اباله
يتعنالك الملجوم من تتبهذل احواله
حارب دمعتي الملعون يطفي الجمره حسباله
ندوسه الحاول يمس المناير
ناخذ ثاركم من الحوافر
........................
ثوره بدمعتي من اطيح يمك مو فقط دمعه
هل من ناصراً لليوم صوتك حاير نسمعه
نفزعلك كلب ولسان يالتستاهل الفزعه
جسمك طشروا يحسين وبكل عاشر انجمعه
ثورة شيعتك ثورة ضماير
ناخذ ثاركم من الحوافر
........................
الحاضر مجلسك لو مات أول واحد تحضره
خادمكم ترزقه السان ما يتلعثم بكبره
بالمحشر تجيك صدور لسه من اللطم حمره
نلطم حته بالتابوت بينه على اللطم شمره
شيعه وكل محرم دمنه فاير
ناخذ ثاركم من الحوافر
.............
للتحميل بصيغة mp3
رد مع اقتباس
المشاركة الأصلية كتبت بواسطة احمد الگرعاوي
