كلمات قصيدة حلمي جان مكتوبه
الرادود مسلم الوائلي
ياكلبي كافي ولم العتاب مكتوبة
حلمي چان
الموت اذا سكت ونيني
يغمض العباس عيني
حلمي چان
توگف اهلي اعله الجنازه
عازتي لخواني عازه
حلمي چان
مثل الشمس غاب
حلمي وي الاحباب
حلم حلم
____________________________
اعيوني عالباب انتچن
وانتضر جية ضعن
بيه عباس بظهر حسين
وينشد النجمة بقهر
گلبي ويدور گمر
ويگلي أهلچ زينب وين!
ياگلبي كافي ولم العتاب
متانيمن وعينك على الباب
وتراب غطه احباب التراب
ميتين أهلنه وموش غياب
سد العيون .. مايردون
وبطل الونيـن
كل الأحباب .. جوه التراب
حته الحسـين
يازمان
الماتت برحوة أملها
تحيه من اترد اهلها
حلمي چان
توگف اهلي اعله الجنازه
عازتي لخواني عازه
حلمي چان
ياجرحي ما طاب
مثل الشمس غاب
حلم حلم
____________________________
حلمي چان
الموت اذا سكت ونيني
يغمض العباس عيني
حلمي چان
توگف اهلي اعله الجنازه
عازتي لخواني عازه
حلمي چان
مثل الشمس غاب
حلمي وي الاحباب
حلم حلم
_____________________________
يهمس بگلبي جرح
اشما اغمض ينذبح
نحر حسين گبالي ايصيـر
هنا سهم وهناك جف
ذاكه ابو فاضل نزف
حد ما مات ومات الخير
داس إعله صدره الراح والجاي
عطشان ويون لخته بهداي
وفاي اخوي هواي وفاي
ميت عطش وبجربته الماي
بجربته الفيض .. مسومر الغيظ
الخيمتي اندار
للخيم عين .. و وحده الحسين
بينه محتار
بيا مچان
زينب ويا تل خذاها
تمشي بعيونك وراها
حلمي چان
توگف اهلي اعله الجنازه
عازتي لخواني عازه
حلمي چان
تعبني العتاب
مثل الشمس غاب
حلم حلم
_____________________________
حلمي چان
الموت اذا سكت ونيني
يغمض العباس عيني
حلمي چان
توگف اهلي اعله الجنازه
عازتي لخواني عازه
حلمي چان
مثل الشمس غاب
حلمي وي الاحباب
حلم حلم
_____________________________
اذكر ايامي وأحن
وانكسر كسرة غُصن
ما ظل كلشي من أهلي وياي
ذبحو اگبالي العشگ
وجملت خيل السحگ
جرحه وبدو يمه الماي
ياگلبي تحمل ضيم چنـدوب
وحسين فوگ الغبرة مگلوب
شفت العزيز مسلب الثوب
ومحد سترنه ابذاك الغروب
عطشو حيل .. وچابو الخيل
تسحگ اعليه
يوم اللي چان .. ايگلي عطشان
بيش ارويه
چان امان
لاهله ومدلل بناته
چتفو بالطف خواته
حلمي چان
توگف اهلي اعله الجنازه
عازتي لخواني عازه
حلمي چان
شفت الصدر ذاب
مثل الشمس غاب
حلم حلم
_____________________________
حلمي چان
الموت اذا سكت ونيني
يغمض العباس عيني
حلمي چان
توگف اهلي اعله الجنازه
عازتي لخواني عازه
حلمي چان
مثل الشمس غاب
حلمي وي الاحباب
حلم حلم
_____________________________
كلشي يوجعني وأحس
وگفتي اعله التل امس
سلبت مني اجدامي الحيل
شفت اخوي ابلا نحر
يومي اليه وماگدر
ودنه اعليه ويه الخيل
گتله التهي بجروحك ونام
يحسين ماتوصل للخيام
بس منحر وماعندك اجدام
وخيل اعله صدرك فوگ السهام
عالرمل نام .. وانه الي الشام
امشي يحسين
يمهنى بالنوم .. وادري ملچوم
من الونين
خويه حان
اوداعك وگلبي جرحته
يمك احچي وانته سكته
حلمي چان
توگف اهلي اعله الجنازه
عازتي لخواني عازه
حلمي چان
غطاك التراب
مثل الشمس غاب
حلم حلم
_____________________________
حلمي چان
الموت اذا سكت ونيني
يغمض العباس عيني
حلمي چان
توگف اهلي اعله الجنازه
عازتي لخواني عازه
حلمي چان
مثل الشمس غاب
حلمي وي الاحباب
حلم حلم
_____________________________
ياگلب لا تنتظر
محد ابزينب يمر
لا تنشد وين العباس
ياحلم هدّ الجفن
اعيوني تعبها الحزن
والليلة اتشيعني الناس
اعله اچتاف غربة الليلة تنشال
ياهل الجنازه والگلب مال
ميته وأحس بچفوفي الحبال
هاي السبيه بظهـري تنگال
موتي يهواي .. ارحم اهواي
من الفراگ
يهلي يفياي .. اشما شفت ماي
ليكم اشتاگ
كل مچان
يرسم اهلي ويه الحوافر
كسرة اضلوع وخواطر
حلمي چان
توگف اهلي اعله الجنازه
عازتي لخواني عازه
حلمي چان
يهلي العگل شاب
مثل الشمس غاب
حلم حلم
_____________________________
حلمي چان
الموت اذا سكت ونيني
يغمض العباس عيني
حلمي چان
توگف اهلي اعله الجنازه
عازتي لخواني عازه
حلمي چان
مثل الشمس غاب
حلمي وي الاحباب
حلم حلم
_____________________________
كلمات الشاعر - حسن التُـرابي
تحميلmp3
zhr
رد مع اقتباس
المشاركة الأصلية كتبت بواسطة اميرالفتلاوي
