السلام عليكم : تساؤلي عن تسمية الاماكن - مدن ، شوارع ، مدارس ، مستشفيات ... - بالعراق ليش كلما يجي نظام جديد تتسمى الاماكن بما يكرس اتجاهه السياسي ؟ بعد انقلاب ١٤ تموز ١٩٥٨ - اللي يسموها ثورة ١٤ تموز- كل حي جديد ينبني يسموه حي الثورة، لو اسماء شيوعية ، انقلاب القوميين صارت التسميات قومية ، النوب اجا حكم البعث صار كل شي على اسم البعث لو صدام ، اخير شي ورة السقوط سنة ٢٠٠٣ حكمو الاسلاميين كلشي اسمه انگلب اسلامي، طبعاً بالعهد الملكي ما كانت التسميات ترتبط بالأسرة المالكة ، بس من انقلاب ٥٨ كل هاي صارت ، السؤال ليش بالعهد الملكي ما صارت وبالانقلابات گامت تصير ؟ وليش كل فئة تحكم بعد ٥٨ تنشئ اماكن جديدة وتسميها بأسماء ترتبط بها وتغير اسماء القديمة الى اسماء تشير الى نهجها السياسي؟
رد مع اقتباس
