سيدي العاشق هيَ نصيحة التعامل مع أنثى وهي تبكي كـ تقليبُكَ لأوراق جريدة اثناء الرياح لا تفعل شيء سوى احتظنها وهيَ تهدأ ،،
عين الباردة شگد معتّنـي ابشكلچ
مسويچ مصدر قهر للمثلچ
طيبچ مايغلبه اشگد ثمر بالكون
بس عن حلفة الله غالبچ گلبچ
اتشيلين ابگذلتچ وانه اشيل ذنوب
ورسمي أدخل جهنم من أكض شعرچ
حيرة بداخلي مااغار گلبي يفور
اغار وبدي اگلج خاف لا اقيدچ
سبب سجن البلابل صوتهن لا غيـر
وجمالچ هم سبب للباب ماطلعـچ
امكسرة اعله الفـرو اشگد دافية مسويچ
الهوه من ايمرچ ايزعجـچ
وعلى طاري الفرو ماقارنه بإيـديچ
لا كلش خشن لوقارنه برجلچ
اتراودني الفهاوه وإيد تصـفگ إيد
مدري السبب شفتچ مدري من شفتچ
يـكرهونچ نعـم مو كلها عـدها اذواق
من يمته الأقـل منچ اتمدحـچ
وانتي استعفرالله مو بشر محار
الما يغرگ ابـحــرچ صعب يوصلچ
احرجچ سولتي مو عن كره والله
بس يعجبني لون الأحمر بخـدچ
شنو حسب الطلب سواچ
شو ساعة رمل خصرچ
اعتقداي ومقتنع عن تجربة وتشخيص
بيبان الرزق وجهچ
راعي المال يحسد ماله اول شي
شيلي وياچ سبع عيون لا حسـدچ
انه ابعض الامور اختلف عن الناس
ريوگي بصباح الخير من عدچ
الوضع مو مثل امس والگطن
در ارماح من حطو دعاية الگطن وجهچ
دايخ بيچ حقي الصار مو بالهون
واصفن بيچ كلما اعـاين ابوضـعچ
شنو سر التشابه بيـچ ويه الماي
شو كلما شربتچ ما أمل منچ
وطبـعچ مثل خـدچ هم حلو ولين
وتنحبين مثل سوالف الشياب
الحديث العـدهم حنين
چنتي ابالي من سألوني عالشـيب
وگلت هين
جـله الخالقچ سواچ ماي وجام
من فوگ الجـلد وعـروگچ اتبين
علي المنصوري
,zhr
رد مع اقتباس
المشاركة الأصلية كتبت بواسطة اميرالفتلاوي
