قصيدة : شيسوي بالروح .
الرادود : مرتضى حرب .
كلمات : وسام الشويلي .
محرم 1443-2021
اكبر بنيني لو رحل .. شيسوي بالروح .. شيسوي بالروح
من ينحسب اكبر جرح .. مابين الجروح .. مابين الجروح
عايفني علي .. بوية
بعدك ابتلي .. بوية
شيسوي بالروح .. شيسوي بالروح
كل ابو يحس بشعوري ابني الاكبر بي سروري وافتخر بي
هو كلبي وهوة دمي هيبتي ويشيل اسمي وروحي اسمي
صرت اعاين بيه روحي ظامة لساعة جروحي من اباريه
دوم ارفع لله ايدي ربي احفظ علي وليدي. ربي احميه
من ينجرح انة انجرح .. وبنفس الاحساس .. وبنفس الاحساس
لمن كبر صارلي اخو .. وي عمه عباس .. وي عمه عباس
كلشي صرت اليه .. بوية
بعدك منهو الي .. بوية
شيسوي بالروح .. شيسوي بالروح
وياي معروف ارتباطه بينه ماكو وساطة الورد والياس
حاسبة اخ وحسبني ردت اصيحن علي ببني وصحت عباس
هواي فرحان بوجوده بلاية وجهة الدنيا سودة تشيل الراس
من اختنگ من نحره اشمه گلبه يشبه گلب امه نبض الاحساس
لو شفته مرتاح الولد .. من يمي ارتاح .. من يمي ارتاح
لو راح عن عيني احس .. نبض الگلب راح .. نبض الگلب راح
يا شمعة هلي .. بوية
بعدك ابتلي .. بوية
شيسوي بالروح .. شيسوي بالروح
وجه وابوي وجه جدي بعلي الاكبر صفوا عندي جنهم وياي
الهادي جنة بالمعاني. علي وليدي علي الثاني والحجي هواي
شمحلة ابوية العلة شفافة خشن بس يحجي بترافة وكاسر فياي
هو هيبة وعالي هامة ويمي من مد احترامه يگلي مولاي
بهداي لو سولف علي . مايرفع الصوت .. مايرفع الصوت
لكن بالمزامط شهم .. ويخوف الموت .. ويخوف الموت
المهم ماينجلي .. بوية
بعدك ابتلي . بوية
شيسوي بالروح .. شيسوي بالروح
مر علية وكال اودعك كتله شنهو ما اسمعك وسمعت زين
گال رايح بوية عنك بس اريد اهواي احضنك حضنة البين
گتلت تعرف شنهو تمشي يعني راح يروح كلشي روحتك وين ؟
لمن تطلع روحي تطلع مو عجيبة لمن تسمع. مات الحسين
خلي اوكف كبالك واون .. واحنيلك ضلوع .. واحنيلك ضلوع
نتشابك ونوگع نسوة .. فوك الثرى دموع .. فوگ الثرى دموع
دم دمعي هلي .. بوية
بعدك ابتلي .. بوية
شيسوي بالروح .. شيسوي بالروح
طلع وانة لزمت گلبي حتى ضاع بعيني دربي گمت ماشوف
بالخيم ناديت ليله رفعي ايدج واندعيله بگلب ملهوف
راح ابني الگاع خطرة وحده والگوم كثره وبين السيوف
ادعيلي لابنج يم الاكبر ابن غانم يمه يفتر وهذا معروف
بكبر ابن غانم وي علي .. ومگابل ليوث .. ومگابل ليوث
ماشوف بس اسمع زلم .. صيحتهم الغوث .. صيحتهم الغوث
ادري ابني معتلي .. بوية
بعدك ابتلي .. بوية
شيسوي بالروح .. شيسوي بالروح
رد عليه وگال اجيتك فايز ورايد هديتك بوية عطشان
كتله اهلاً يا مراحب هوسوا كل الغوالب علي ربحان
كرب السانك عليه يبني واخذ الهدية يابس لسان
ودع امك يبني وارجع للحرب نادوك اسمع والوعد حان
هالروحة صارت تختلف .. عن ذاك الوداع .. عن ذاك الوداع
هالمرة يوليدي الحزن .. بين علة الگاع .. بين علة الگاع
فاركني الولي .. بوية
بعدك ابتلي .. بوية
شيسوي بالروح .. شيسوي بالروح
اختلف هالمرة نوحي الالم ظل ياكل بروحي يبني يالعود
گلب ابوك بفكدك يحس حتى دمعي يگلي ايس بعد ميعود
لحظة لن سمعت صيحة بيها بوية وبيها طيحة وابن مفگود
جيت مسرع دمعي احمر شفتك اعلة الثره موذر جسد ممدود
ناديتك اكعد ياعلي .. يا اغلى الاعزاز .. يا اغلى الاعزاز
جا منهو غيرك لو متت .. ياخذني جناز .. ياخذني جناز
گرب مقتلي بوية .. بوية
بعدك ابتلي .. بوية
شيسوي بالروح .. شيسوي بالروح
للاستماع الصوتي MP3
Ahmed AlKraawi
رد مع اقتباس
المشاركة الأصلية كتبت بواسطة ۛ ּمــذڪــڕاټ ̨؏ــاڜــڦ
