ف اللام
- لا احتفظت برجيلها ولا خدت سيد علي
- لا احسان لا حلاوة السان.
- لابد من عجاتها تمطر.
- لا له في الأرض مقعد ولا له في السما مصعد.
- لا تشره إلا على حبيب يودك.
- لا تدق الطاسة ترى في البيت أقرع.
- لا تشرب من الركية. قال عن دعاوي الأم.
- لا تغرك الغرفة بأباريقها. ترى صاحبته الغرفة على ريقها.
- لا تزق في ماعون أكلت فيه.
- لا توصي حريص.
- لا خير في الجوزة ولا في هواها.
- لا فلست من المرجحان تدلدل بسعف لنخيل.
- لا يفعل الخير ولا يخري الخير يجري.
- لا يغرق البخنق ولا الوجه اللي يلمع ما دام القب أسود كالملفع.
- لا يغرك حجابه ترى لوحة شرش.
- لا يغرك إشراعه تراه سماري.
- لا يغرك الدهب والخلاخل، شوف ويش اللي في الداخل.
- لا كثرت النواخده طبعت السفينة.
- لا كثر الكلام زاد الملام.
- لا في الجيس ولا في القراطيس.
- لا جا القدر ضاعت الحيلة.
- لا تاخد الضليع ترى فلوسك تضيع.
- لا يموت الديب ولا تفنى الغنم.
- لا خيره ولا كافينا شره.
- لا تبوق ولا إتخاف.
- لول إلحافي ما صرت دافي.
- لو الأسامي تنشري جان سمينا أولاد الفقرا خرا.
- لولا الحسد ما مات أحد.
- لحقت على سور تاروت قضقاض.
- لو فيها در درت.
- لفطام قبل الغوص.
- لقطام بعد الرضاع صرقاع.
- لين كرهت النفس تكدر ماي صافيها.
- لانا خايب ولا لي في الكسل همة.
- لحجامة إعلاج النشامة.
- لسجافي يمشي حافي.
- لفلوس تنكس الروس.
- لحمار مايضرط إلا من جيس راعيه.
- لمبلل ما يخاف من المطر.
- لقمة هريس وفيها تنغيص.
- لقيامة قايمة والنخلاوي حامل فسيلته.
- للسان شباب النيران.
- لوت صبعك الكل ينعت لك دوا.
- ليتك يا شايب ترجع شباب.
- لين جيت رايح كثر من الفضايح.
- ليش خلقت النار، قالوا لكل عيار وجبار.
- لموا الحرام ما انترست لبرم.
- لين ضاق بالي قمت أصفي إدلالي.
- لو يحطوه في بوز كافر أسلم.
- لولا كشف لسرار جان ما طاحت لديار.
- لولا الأعمار ما تلافينا.
- ليلة لكريكشون كل شيء يصير مزيون.
- اللي على المنارة يقول للي تحت أذن.
- اللي يسأل ما يضيع.
- اللي ما يعرف للصقر يشويه واللي يعرف له يربيه.
- اللي يبغى الصلاة ما تفوته.
- اللي ما يجيبه حليبه ما يجيبه الزور.
- اللي الملاس بيده الناس تصير عبيده.
- اللي ياكل على ضرسه ينفع نفسه.
- اللي قالها يجر إحبالها.
- اللي ما يزم القدح بيده ما يروي.
- اللي يبغى العالي يصبر على الراش.
- اللي ما يطلع على والديه مسروق.
- اللي جابه يجيب غيره.
- اللي ماله ساس يطيحه مدساس.
- اللي مايستره الليل ما يستره النهار.
- اللي يجي جنب الطنقور ما يأمن لطشور.
- اللي بوزه ما يعض ما يقدر يحل ولا يربط.
- اللي يقضي الدين ينام قرير العين.
- اللي يبقى من الأكل ينحط في الملالة.
- اللي ما يهديه الله تعبان.
- اللي يربوه أهله يربيه زمانه.
- اللي يحبني يحب من تبعي.
- اللي ما ياكل المر، ما ياكل الحلو.
- اللي ينوح واللي ما ينوح ياكل عيش لحسين.
- اللي يعطيه خالقه ما حد يخانقه.
- اللي نيته يخطب لا يشاور مرته.
- اللي ماله خانه يسوي له خرخشانه.
- اللي يوحفر لحمار ماله إلا النطلة.
- اللي مايطيع والديه غضب الله عليه.
- اللي إيونه في السما لازم من البهدلة
- اللي ما عنده شغل يختن السنانير.
- اللي ضاموه لرجال حط حرته بمريته.
- اللي يعد لنجوم ما يجيه نوم.
- اللي في بطنه ريح يهده ويستريح.
- اللي مو لك تركه وروح.
- اللي ما يصلحه النبات يصلحه الجي.
- اللي شايل البار ما يعجز عن القشبار.
- اللي في الفخ أكبر من العصفور.
- اللي ما يحفظ دريسه ماله إلا لجحيشه.
- اللي في القدر يطلعه الملاس.
- اللي ماله أول ماله تالي.
- اللي عمره يوم ما يموت أبو ساعة.
- اللي مايضره الله ما يضره أحد.
- اللي مايطيع يضيع.
- اللي ما يرضى إبجزة، برضى إبجزه وخروف.
- اللي ما ياكل بيده ما يشبع.
- اللي ما يعرفك ما يثمنك.
- اللي ما يجي بالمروة يجي بالقوة.
- اللي يعيش بالحيلة يموت بالفقر.
- اللي يبغى السح لا يقول أح.
- الغصن اللي ما يلين ينكسر.
- الليلة خميس يا فرحتك يا عريس.
رد مع اقتباس