هنا

[ارجع يازمان]

عشرة ألغاز ساعديه جديده وكلهن سهلات,,
1
ماجنت أمس موجود بس صاير اليوم
باجر اكيد الموت ,, ما أبقه للدوم؟؟؟
:::
2-
خارج البيت ايصير واتشوفه العيون,,
ايعلمك ابجيات .... كل اليمرون؟؟؟
:::
3-
جاس البحر ماصار متبلل ابماي!
صارت اكبالي اهواي واحلفلك ابهاي؟
:::::
4-
بس بالشتأ ترتاح ركضتها بالصيف
تمشي ابمزاجك دوم وتفرح الضيف؟
::::
5-
سامعها من الناس هاالقصه بالصوت,
وقت العشاء مولود ,, بالمغرب ايموت؟
:::
6-
هالقفص مابي طير لا حتى حيوان!!
لكن يحبه اهواي ويريده الانسان؟
::::
7-
صَوب علينه القوس,, بس ما رمانه!
مابي سهم وانكول بي صوبانه؟؟
::::
8-
كلمن سعاله اهناك ميت نحسبه
ساجن بشر مبخوت بس ما نسبه؟
:::
9-
لو غفله منك طاح رايح تخسره
مينفعك ابفد يوم لوما تكسره؟
:::
10
قاتل ولا بالكون يسعه القتاله
فوكاهه يتوصوون ناس ابجهاله؟
بقلم الشاعر حسين االساعدي