لمن عله صوت الكفر قررت احاربهم
محد كفو حچايه وبقه وتشاردو كلهم
هذا البچه وذاكه انتحب ذاكه العله نوحه
محد خلص من يمنتي بس الدفن روحه
يبوفاضل....يبوفاضل
غيمة غضب فوگ الزلم وبكيفي اصفيها
عني يمنعـون النهر اولها تاليها
رايدلي زلمه اگبالي ضل ويحرك چفوفه
الماميت ابسفي ترا ايموت من خوفه
يبوفاضل....يبوفاضل
موت الله وامشي اعله الارض ياهو يتدنالي
استخير ابكيفي الزلم ياهو اليـطخ بالي
استخير الزلمه السبع واذبح انه بكيفي
اليعترض خله يجي ويسولف السيفي
يبوفاضل....يبوفاضل
لمن صلت عالمشرعة زلم ابـزلم تعثر
ذاكه جمعهم والعدد من صولتي اتبعثر
جابو عساكرهم اجو يردوني ابايعهم
ورطة اجو من الندم عضو اصابعهم
يبوفاضل....يبوفاضل
حاكم على الطف اصبحت ياهو اليحاچيني
ربي إذا عاقب شخص آني اليوديني
خيل وزلم اتشاردو من شافو امطهم
صاحو ابوفاضل ابد بالحرب مايرحم
يبوفاضل....يبوفاضل
چنه القيامه وعالركض كلمن يشد حيله
والرجله ماتت ماگدر گام ولبس شيله
ما لحگ الموت وندب ابهيده ذبحهم
ما لحگت يا ابالفضل بالموت اجمعهم
يبوفاضل....يبوفاضل
كلمات الشاعر : مؤمل مزهر
تنـزيلmp3
رد مع اقتباس
ــشــــ
ــتِ
المشاركة الأصلية كتبت بواسطة مِـيهہرَمــآهہ ♬❥
