هنا

[الملاذ الاخير]

قصيدة : يالعايشين بروحي .
الرادود : محمد الجنامي .
الشاعر الحسيني : كرار حسين الكربلائي
محرم 1443-2021

يالعايشين بروحي .. سميتكم يجروحي
غطة الگبر .. عشرة عمر .. والذكريات گبالي
حن ياگلب .. ضم الترب .. غالي اعز من غالي


علي السجاد .. لكربلة راد
يدفن اجساد التركها بدون تجفين
يم العزاز .. جاي جناز
ينقري بوجهة الحزن ودموعه بالعين
هيبة هيبة نبي .. ولثمة تراب السبي
بلهفة مفارك وكع يم نحر الحسين
بعلته الله يساعدة .. شبك منحر والده
والنحر حاجاه يبوية عمتك وين
نحر الابو شميته .. ناشدني عن اخيته
دموعي حجت .. عمتي انسبت .. شفت انحنى وابجالي
حن ياكلب .. ضم الترب .. غالي اعز من غالي

نحرة مذبوح .. يحجي بجروح
شلونها زينب يبوية وحالها شلون
بحجيي وياه .. عثرت الاه
كتله عفت سياطهم تاكل بالمتون
مشت كل خطوة بجرح .. عينها بعين الرمح
بوية وتراب السبي نايم بالعيون
حيلها مو الاولي .. تكلي ادعي يا علي
كون اموت ولا تطب للشام للضعون
شمر ايحدي بعماتي .. وسوطة يطك خواتي
حبل الخشن .. خلاني احن .. وتبجي رقية گبالي
حن ياگلب .. ضم الترب .. غالي اعز من غالي

ادفنت الحسين .. ودمعي بالعين
وفوكه صدره المنسحك دافن رضيعه
دفنت الانصار .. وبالگلب نار
وصحت ماجورين اجركم ع الوديعة
ورحت يم راعي العلم .. كتله الحكلي يعم
بغيبتك لو تدري ضعنة لو تدري شلون ضيعه
بيرغك شاله الشمر .. وشافته ام الخدر
يكلها مايرجع ترى جفوفه كطيعه
احجي صعبة علية .. زينب مشت مسبية
يابا الفضل .. فوك الهزل .. ريتك تشاهد حالي
حن ياگلب .. ضم الترب .. غالي اعز من غالي

ايا الاتراب .. شماخذ احباب
الموت اخذ من عندي كل انسان احبه
بليل الافراك .. ابجي واشتاگ
عكب عين الودعوني الدنيا غربة
عايش المن بالعمر .. اعزاز كلبي بالگبر
والدفن غالي دفن وياه گلبه
على اجروحي انتجي .. الراح ميرجعه البجي
وتبجي جدامه الشتامة هواي صعبة
بحركت كلب اشهم .. وين الله اموتن يمهم
جانوا وطن .. خذها الزمن .. بس عاشوا بخيالي
حن ياگلب .. ضم الترب .. غالي اعز من غالي

نور العيون .. مايرجعون
راح اعيش العمر كله كلبي مكسور
حيلي مهدوم .. مفارك النوم
اعز ناسي ودعتهم بين الگبور
الهجر جمرة ماتبرد .. يطول عمري المن بعد
الفارك احبابه ترى من يموت معذور
العنده غالي مندفن .. لا تلومه من يون
النوم مو طبعي جنت ع النوح مجبور
يحني الحبال مصابي .. خالي مكان احبابي
وجهي ذبل .. عضمي نحل .. مفارك حبيبي الغالي
حن ياگلب .. ضم الترب .. غالي واعز من غالي



للاستماع MP3

[❀ ميكان ❀]

خالو أحمد الكرعاوي
،
أحسنت نقل حسيني مميز ،في ميزان حسناتك يارب
الله يعطيك العافية ، لاحرمنا إبداعكم
موفق

[نغم الجبوري]

شكرا جزيلا على النشر اخ احمد كلمات القصيده رائعة