هنا

[ღ عِشق ღ]

مساجلة بين الشاعر رفعت الصافي
و احمد الذهبي للحشد الشعبي مكتوبة




ام الشهيد اتگول:

جابو راتبك گلتلهم انه بخير
وچنت ابعازته بس يمه رديته

ومن كالولي راسك ينزف ومصيوب
ابعلگ من حضرة العباس شديته

عيب اطي الولد واخذ مچانه فلوس
وانه لخاطر اهل البيت مطيته

المصبرني ضحكاتك الـ بالتـابوت
ميت بس ولا بطل اعزوبيته

شيخ وخوذته الابسها چنها اعگال
من جابولي راسك قصرت وياه
مو مثل ام وهب عالشمر ذبيته

ومن ودعني گتله الرمح رايد راس
لا ترجعلي سالم هيچ وصيته

بالمغيسل ارموشه اتجيب سابع عين
خفت لا ينحسد بالشيله غطيته

غطيت الولد وادريه حلو ومنفوس
وهالواحـد من الله اجداوه جديته

حط ايده اعله راسه ومارضاها اطيح
چن عصابة أمه تگول بيريته

گال وشيلتچ تنشد عليها ارگاب
والچلاب روحي وبيها شديته

انه الهاضمني چي ماشفت ولده وراح
اعزب كاتبين ابظهر جنسيته

هواها ورادها ويدري النحر نيشان
عاشگها المنية ورحت زفيته

بفراش المرض چنت من اطيح ايطيح
يعصر صحته ويطيني عافيته

ابعباتي الچنت اضمه من الحسد والعين
من ثار الفشگ مارحت ضميته

تردون الصدگ مشتاگه لأبني هواي
من شفته بحلم من نحره شميته

حضنته وطولت ماردت مني يروح
بس گال الوطن مجروح هديته

وبقه منه عطر بچفوفي من فزيت
فوگ الطالبه الذريه رشيته

جمعته ابدمعه دمعه ونهر لمن صار
ابثواب اسكينه للزوار بديته

مو انه التعز وليدها اعله حسين
ألا من ناصراُ من صاح وديته

ولا آنه الأضم وليدي عن عباس
ذاك الطاح چفه وحضن ساريته

ولا انه الاضل وليدي مابي شي
ووليد الحسين النبله عاميته

فشله اعله الزلم وام الخدر تنضام
ويلبس شـيلتي الضل نايم ابيته

احس امقصرة لو بس واحد اهديها
عشر اولاد كون ام عون انطيها

زينب من تنخت حشد كامل راح
خاف يرد شمر وردود يسبيها

بعد ماتنسبي لو الف خولي يعود
لأن ولد ابـو مهدي اتكفلو بيها

هو وحجي قاسم سولفو عالماي
گالو روحنه لزينب نبـديها

زلم ردو الحگ ابوكت كومه شيوخ
ابمصايف تركيا باعت جناسيها

ومن صار صدگ طبو ابحلگ الحوت
فزعو والعگل ردت لاهاليها

(( احنه اهلكم لا تخافون ))
عبارة احنه اهلكم جينه لتخافون
ضلت عايشة بس مات راعيها

الحشد راية محمد شادها بيمناه
واغلى من الشرف وشلون يطيها

اخذلك زلم مدفونين ويخوفون
ينشگ چم حلگ لوجبت طاريها

واخذلك زلم طاحت مطر وكت الموت
الغيم ابروسها وبالگاع رجليها

الحشد شبانه الـ بالدين يلتحقون
ابألف يابوالحسن تدبر كراويها

ولد الملحه ذوله وفقره
بس غالين
واحدهم الفزعه ابدمه يشريها

زلم صايح حسين بروسهم عشاگ التفگ بالچفوفهم غصت سرلگيها

فدوه لخاطر عيونك يبو السجاد
هيه الدنيا غير عيونك شبيها

زلمنه الـ بالگبر والـ على الساتر كون
ابـصلاة اعله النبي واجب نحييـها




z

[مِـيهہرَمــآهہ ♬✿]

فُڊوُةّ

شُڪرآ عمري