هنا

[الملاذ الاخير]

قصيدة : عامينها عيوني .
الرادود الحسيني : الملا عمار الكناني .
كلمات الشاعر الحسيني : علي عويز الشويلي .
محرم 1443-2021


عامينة عيونها .. وهمس همسالي
لا تگطع انفاسي .. ونبض دلالي
اخر ذبحتي بس يجي الغالي حسين
كتله اطمئن هو انا اخوك الغالي


جي وانة ابجي دورت اشمد على وجهي طحت
عباس جا وينك صحت كونك عدل لاگيني
لمن وصلت المشرعة .. لاكتني جربة مگطعة
وجثة ابرماح املوعة .. بس يمكن تحاجيني
يسون ضجة لو صحت .. ولو دورت منعوني
حاجيتهم وين الگمر .. بس همة ماحاجوني
هذا انتة امد ايدي الك .. وابرماحهم ردوني
عباس خوية من التعب .. فوكك طحت خلوني
عالنهر دورت الكمر ماهوة
بس انة اشم دمة اليفوح امروة
ماكظني بجفوفه لان مگطوعات
بس كظني من گلبي بونين الخوة .. عامينها عيونه ..

تبعني دمه المايجف .. وسهام عبرن عالالف
عباس صاير يختلف .. ذاك اليخوف صيته
مابي جفوف التنلزم .. تگعد بصفة ينلجم
عباس باقي بس اسم .. وسيوفهم كاظيته
كال اني اسالك واعتذر .. بس رايد تجاوبني
كتله انتة غير رويحتي .. شتريد خوية أمرني
كال انتة تحبني شكثر .. كتله انتة اعز من ابني
خاطر ارتاح من الالم .. يحسين فدوة احضني
هاكد محنة حسين بحجاياتك
ساكن كلبي عباسك مخلياتك
اخرتك انة هواي يمكن يحسين
اتركني خوية وروح لبنياتك .. عامينها عيونه ..

لهناك اشوفن يسرته .. جا وين راحت يمنته
عباس تصعب لمته .. يكول الهوى يوجعني
كتله اعلة صدري انتجي .. وبراحتك اشبع بجي
حاجيني اذا عندك حجي .. من تسكت تعذبني
كال اني يابعد الكلب .. وروح الكمر وايامه
كل عمري وجهك ماشفت .. يمك ادنك الهامة
يحسين هسة الخاطري .. وجهك تزيح الثامه
من شافني صاح الگمر .. شكد حلوة بيك الشامة
تسمحلي اريد اشتم عطر شيباتك
وجهك حلوة وهنة اكثر محلياتك
اترخصت يحسين لو عندي جفوف
ومديتهن واتلمست وجناتك .. عامينها عيونه ..

من تنوي ترجع للخيم .. غطيني خوية بالعلم
او دورلي عيني بيا سهم .. خاطر يدفنوها وياي
الشوفتها كتله اسكد احن .. الكاها عينك اطمئن
وابيدي اردها للجفن .. جانت تفرحني هواي
زينب تحب عيني شكثر .. من ترمش اتقبلها
اتكلي امي عيون الگمر .. مثل الصلاة ما املها
ضم عنها يحسين الخبر .. زينب اذا رحتلها
كللها عباس انذبح .. اوعينه انعمت لتگلها
جا ليش اكلك خوية لترد بية
موتت ام عون بشوفت المطفية
كللهة جرحوها ووكع بيها اتراب
بس لا تگلها دورت ماهية .. عامينها عيونه ..

حرملة صاح تجمعوا .. احسين وابو فاضل بجو
بيهم تعالوا اتشمتوا .. وكلي ذبحنة احلامك
اسمع بجي اعيال وكمت .. امشيلهم لو اظل حرت
كالوا انسلبة لو رحت .. اتظل نوجهة اخيامك
ابكلبي طعنات الشمر .. مو بالرمح بحجاية
درعة وثيابة وجربته .. كلها اتفرهد هاية
لخيامي خطوة اتوجهت .. صاحوا سلبنة الراية
رديت صاحوا بالخيم .. احتركت اطفال اهواية
وين اركض وين اتجهت شدهوني
لا للكمر لا للخيم خلوني
ومابينك وبين الخدر يلوفاي
بسهام واحجار شكثر ضربوني .. عامينها عيونه ..





























MP3

[ضفاف ➳♥]

احسنت النشر

[الملاذ الاخير]

انرتِ ام حمودي .. شكراً للتواجد العطر