درر العراق

الملاذ الاخير · 26/August/2021

قصيدة : راحوا عمامي .
الرادود الحسيني : مسلم الوائلي .
كلمات الشاعر الحسيني : محمد الموسوي .
محرم 1443-2021

راحوا عمامي والفرگة لية
من گد سلامي تعبتوا ادية
امشي اعلة هونك بالضعن يكافل
شديت روحي بروحه المحامل

طلعوا سوية يمشون .. للفرگة يراد عيون .. جفوني ونسوني
موتني عطر العباس .. ومبينة فرگة ياناس .. ولا ودعوني
كلش تعب حالي .. غالي بطهر غالي
غالي بظهر غالي .. كلش تعب حالي
عفتوني وحدي زغيرة وغريبة
طلعت يعمي براس كلبي شيبة
راحوا عمامي ..

من دار وجهة الحسين .. طاح الدمع مدري منين .. وراهم وراهم
علگت گلبي بالباب .. والحلم ثاري جذاب .. خذاهم خذاهم
عافوني مشتاگة .. وعيوني ع الناگة
وعيوني ع الناگة .. عافوني مشتاگة
ظليت الولي اعلة المهد يغالي
عبد الله وينه وين مهده خالي
راحوا عمامي ..

يا عمي گلبي متعوب .. كلما يصير الغروب .. اتاني اتاني
اعثر گمت بالخيال .. شو ما وصلني مرسال .. جفاني جفاني
يمنشف عيوني .. ردولي واخذوني
ردولي واخذوني .. يمنشف عيوني
يا عمي گلبي اتعذب بجفاكم
كل ساع تطلع روحي من وراكم
راحوا عمامي ..

سميت باسم الله وبيك .. گلب العليلة يتانيك .. تجيها تجيها
ظلت تون الحيطان .. شالت يعمي الجيران .. كتلهم بجيها
صحت وتعب صوتي .. وينك وصل موتي
وينك وصل موتي .. صحت وتعب صوتي
وياك راحت روحي الزغيرة
وهاي الرسالة وداعتك اخيرة
راحوا عمامي ..

كل وحدة سابيها البين .. بس انة بفراگ حسين .. سبية سبية
والفارگاهة العباس .. من تطلع تصيح الناس .. خطية خطية
يا عمي تعبانة .. من ضيمي كبرانة
من ضيمي كبرانة .. يا عمي تعبانة
من مشوا سدوا بابهم علية
والموت اشوة ولا المغربية
راحوا عمامي ..

بدموع گلبي صليت .. وين الله اطبن للبيت .. واشوفك واشوفه
يالوجهك احلة من الماي .. مشتاگة يا عمي هواي .. اشمك واطوفك
بلك الله وبشارة .. وانذرلك زيارة
وانذرلك زيارة .. بلك الله وبشارة
خليت روحي بروحتك أمانة
كلبي ارد اشلعه وتكعد بمجانة
راحوا عمامي ..

mp3