هنا

[الملاذ الاخير]

<br>

قصيدة : عزيزة علية .
الرادود الحسيني : محمد الجنامي .
كلمات الشاعر الحسيني : وسام الشويلي .
محرم الحرام 1443-2021
عزاء حسينية وموكب ام الحسن
البصرة - الفاو


كافي بجي علية يايمة كافي
ادري على المنية صاير زفافي
لكن شسوي الامر مو بدية
لكن شسوي الامر مو بدية

رملة كعدت وية ابنها .. حاجته بنبرة حزنها .. وسيل الدموع
تكلة جبت الحنة بيدي .. ولزفافك ياوليدي .. عالكة شموع
يمة امنيتي البسك .. بيدي هاي ثياب عرسك .. كلبي مشاوع
خايفة هواي واجيتك .. يمة سولفلي اعلة نيتك .. شنو الموضوع
جاوبها جايم ييمة اعلة بختج
بالغاضرية تلاشت فرحتج
حتى الشمع اشوفه كدامه طافي
ادري على المنية صاير زفافي
لكن شسوي الامر مو بدية
لكن شسوي الامر مو بدية

صاح جاسم مو بدية .. يالعزيزة الغاضرية .. تريدني اليوم
هواي عذريني ييمة .. بالعرس ما الي قسمة.. ابقى محروم
يالي ساهرتي الليالي .. هذا حالج هذا حالي .. حزن وهموم
راح اعوفنج غريبة .. والعرس يصبح مصيبة .. وحنتي دموع
الله يعينج يفجعج مصابي
طفوا شمعته ييمة شبابي
يمة علية كوة هذا التجافي
ادري على المنية صاير زفافي
لكن شسوي الامر مو بدية
لكن شسوي الامر مو بدية

يمة والله هواي احبج .. يارباج وذاك تعبج .. بيش اجازيج
يمة كلبي بي محنة.. الله شاهد ماكو منه .. والعطف بيج
شكد سهرتي شكد تعبتي .. محسبة تكبرين انتي .. وانة اداريج
هالحساب انكلب تالي .. وحدج من غير والي .. راح اخليج
ردتيني يمة المن كبرتج
تاليها اني مشيت وكسرتج
جرحج ييمة بعدي ماله مشافي
ادري على المنية صاير زفافي
لكن شسوي الامر مو بدية
لكن شسوي الامر مو بدية

ضاك يمة هواي صدري .. راح اروح وانة ادري .. يصوبج البين
بعد ما اكدر اتاني .. افزع الوالدي الثاني .. عمي الحسين
شنهو عمري خلاف عمره .. حاير ومكسور ظهره .. يدير بالعين
لا اخو لا ولد عنده .. كله راحت بقى لوحده .. بين صوبين
قلديني سيفي واروح اكله
ياعمي جيتك بامر امي رمله
هية الذي كالتلي لازم توافي
ادري على المنية صاير زفافي
لكن شسوي الامر مو بدية
لكن شسوي الامر مو بدية

يمة افرحي بهذا عرسي .. بهالشهادة شريت نفسي .. ودم الخضاب
شمعتي دموعج التجري .. بيدج تزفين ادري .. اعلة الحرب شاب
انك عريس المنية .. والي تراب الغاضرية .. مفصل ثياب
ايعينج الباري بمصابي .. وتندفن زهرة شبابي .. تحت التراب
بعدي ييمة سبية طلعتج
عالناگة انتي وتگلي دمعتج
گلتيلي يبني غافي نوم العوافي
ادري على المنية صاير زفافي
لكن شسوي الامر مو بدية
لكن شسوي الامر مو بدية

MP3

[ღ عِشق ღ]

يسلمو أحمد






,

[حسن هاشم]

بوركت جهودك الغالي

[❀ ميكان ❀]

خالو أحمد الكرعاوي
،
أحسنت مجهود ونقل حسيني جميل
في ميزان حسناتكم يارب ، الله يعطيك العافية
موفق