قصيدة : انا طوعة .
الرادود الحسيني : قحطان البديري .
كلمات الشاعر الحسيني : مهدي البارون .
محرم الحرام 1443-2021
يمسلم لا يهم .. بالغربة كلبك
انا لسلمك سلم .. حرب اليحربك
انا طوعة طوع التريده
انا طوعة طوع التريدة
بالفاركتهم هلك .. بعيوني استقبلك
بالكوفة ما ظل خجل .. لا كصة عرگت الك
ماتيهت الدرب .. ولبيتي كلبك سلك
نيتي التجيبك الي .. بالمايحبك شلك
يعالي المنزلة .. اتشرفني ريتك
هلة ومية هلة .. هالبيت بيتك
انا طوعة طوع التريده
انا طوعة طوع التريدة
بالليل جيتك صبح .. وبهالضيافة الح
تعذرني لو قصرت .. والغاية زاد وملح
جاي برسالة وردت .. ع الكوفة تقرا الفتح
معقولة وانتة الدوة .. شايل غربتك جرح
ترى الباعك عشك .. مبيوعة ذاته
اقل شي جا صدك .. كمل صلاته
انا طوعة طوع التريده
انا طوعة طوع التريدة
يامسلم المعذرة .. خجلانة منك ترة
الشوكة بجمال الورد .. خلاها متخوصرة
مو مثلي ابني طلع .. وين الله ويعثره
العايفلة جنة علي .. شيسوي بالاخرة
يمسلم واطمئن .. واسمع مدائي
رغم كلمن وان .. انا بولائي
انا طوعة طوع التريده
انا طوعة طوع التريدة
سر الهوة ال البلسمة .. منك صرت افهمة
بالرية تارس نفس .. ريحة ولد فاطمة
من بيتي خل نبتدي .. اول نزيف الدمة
وبكربلاء النحر .. يستكمل الملحمة
اذا مني النحر .. ما گام ينزف
اسجل بالدهر .. بالفزعة موقف
انا طوعة طوع التريدة
انا طوعة طوع التريدة
من تطلع النا الشمس .. باجر تهون النفس
ويبين شكد فرق .. بين الطهر والرجس
شسوة بعربهم علي .. يا مسلم وعيد امس
بالكوفة كل الطرق .. خلهاابحثث تنترس
يدرون الهوة .. لو لاح طيفك
قريت القل هوة .. اية علة سيفك
انا طوعة طوع التريده
انا طوعة طوع التريدة
شايل رسالة حذر .. يالوضحت للبشر
منانة جنة علي .. وهنانة تلهب سقر
لو قدمت منحرك .. باجر يجيك الخبر
يالحاربت بالعشگ .. حب الحسين انتصر
يمن گلبك يدك .. باسم ابو الاكبر
اذا تعطش عشگ .. يرويك كوثر
انا طوعة طوع التريده
انا طوعة طوع التريدة
MP3
رد مع اقتباس
