قصيدة : ابن امي
الرادود الحسيني : مرتضى حرب
كلمات الشاعر الحسيني : مصطفى حرب
حسينية داوود العاشور
محرم 1443-2021
ابن امي واطلبك باللبن .. تمنيت سيفك يالحسن
بطف كربلة وياي ..
وين لمعة سيفك وشيلة لواك
بعازتك يالروحك الروحي وطن
ترى عمامة راسي طيحتها السيوف
وانحنة الطف من صحت وين الحسن
من اصيح الاخ توصل للبقيع
خوية وضلعوك بكبرك ينحنن
من الهضيمة يميلن شباب المضيف
وي دمع زينب دلالك ينجفن
يابو الهلة التنكط ملح
بعازة جفوفك كل جرح .. تنزف ترى اعضاي
بطف كربلة وياي .. بطف كربلة وياي
رايدة انقلك مشاهد كربلاء
وابدي من الشيب لكماط الرضيع
شلت جم ركبة عزيز بلية راس
وعين روحتهة السهام وجف كطيع
الكاع تهتز من كثر ركض الخيول
ومن غبار المعركة فارس يضيع
وزينب بهالحالة تطلع تستغيث
تحشم اهلها من النجف حد البقيع
لو حاضر وعينك تصد .. من فرهدوا عطر الورد
تعمي النظر هاي .. بطف كربلة وياي
انتة اخوي وتعرف ابني شكد عزيز
شفته يتكطع كبالي وكلبي ذاب
بسحك ضلعه تذكرت امي وبجيت
تحولت كلي ضلع والدنيا باب
خوية للاكبر رحت امشي واطيح
تمددت وياه مدود اعلة التراب
رحلت الدم ابتدت بابني الجبير
ومشت حد ما فرغت حضن الرباب
يالحسن ياشيخ الكرم .. لو يمي جا جفك لطم
من تفرهد رباي .. بطف كربلة وياي
خوية صارت لوعة صواب الجفيل
سلب روحة ناظري وكسرة گفاي
يا گمر كبل الگمر طاح بعمود
كبل لا يوصل كطعوا جف ضواي
تحيرت من ارجع لزينب شگول
وشنهي اجاوب لو رقية تكلي ماي
من اريد للخيم والكة مخدرات
اتمنى اكلهن عمجن العباس جاي
تعرف اشصار بالگمر .. لا هامة ظل ولا نظر
ما ظلي وفاي .. بطف كربلة وياي
انة شفت الاكبر وكونك تشوف
القاسم جن گمر ابنك ضاوي وطلع
يالحسن شيصير بية انة الحنين
القاسم كبالي شفت راسه انگطع
والله مثل الطير اللي تصيبه السهام
هيج فز كلبي وترس روحي الوجع
بطيحته ركصو عمامة مفرعين
ومن ونين امة انحنة الطف وانفجع
التحسب لزفته وحنته .. متحني بالدم شايفته
حگ تفگد الراي .. بطف كربلة وياي
وليل عاشر بي كثر حجي العيون
بعين زينب باجر يموت الدلال
باجر يموت الهوة بريت العليل
باجر اطلع حافية بين الرجال
يالحسن راس السراط المستقيم
ينذبح والشر يشيخ اعلة الجمال
انطيح يم وادم يعشكوو العواج
عدل مابيهم مثل ظهر الجمال
خوية الهضيمة تم الخدر .. يستفحل عليها العسر
وماعدها حماي .. بطف كربلة وياي ..
رد مع اقتباس
