هنا

[الملاذ الاخير]

قصيدة : تذكرين .
الرادود الحسيني : عمار الكناني .
كلمات الساعر الحسيني : علي الابراهيمي .
محرم 1443-2021


تذكرين .. من جانت عدنا اخيام
تذكرين .. من جنة براحة انام
تذكرين .. مانعرف كوفة وشام

كعدن بذيج الخرابة بحسرة الماي وشرابة
كل بالخدر تغير وصارن بلون الترابة
ولن سكنة كالت يارقية تذكرين
من جانوا ايسمونة عيون حسين
ودارت الدنيا وهسة شبه الميتين
الينظرنة يقرا علينة سورة ياسين
جينة هواي .. ومحسودين من الناس
جينة هواي .. جي ويانة العباس
جينة هواي .. وصرنة شوية بايام
تذكرين .. من جانت عدنا خيام

احلة موقف بالضعينة جانوا ابو فاضل يجينة
من يحس بينة عطاشة بجربته يسير علينة
جان الحنين يصب دمعته وية الماي
ويكلي عمي مقصر وياج هواي
ينشر الراية يكلي جايبها فياي
نامن رغد مادام جفي بيمناي
مرتاحين .. جنة ومانعرف خوف
مرتاحين .. بس العباس انشوف
مرتاحين .. شكد جانت يمنة ازلام
تذكرين .. من جانت عدنا خيام

جانت تفيينة خيمة احتركت بنار الظليمة
وابتدا درب السباية وهيمة شمرتنة اعلة هيمة
شكد حلوة جانت لمة العلويات
وتعبرت اسماءنا بمسبيات
ايا رقية جفوف اديج الحلوات
صارن زرك من الضرب ومورمات
جان حسين .. ايشم اجفوفج ويكول
جان حسين .. ينصربن مامعقول
جان حسين .. يحمينا من الظلام
تذكرين .. من جانت عدنا خيام

شنذكر الكوفة واهلها البلفرح لاكتنا كلها
كلها تنشد وين زينب وعالرمح راس الكفلها
رامتنا كلها بعينها ازغار اكبار
وبالشام مطرت فوكنا الدنيا حجار
كل الدروب انلامي مشعولة النار
وعلينا تالي ذبوا الماي الحار
هذا الصار .. ساعة بولية شمات
هذا الصار .. وساعة اباب الساعات
هذا الصار .. ودام ماجنها اسلام
تذكرين .. من جانت عدنا خيام

هنا علت صيحة رقية اخ ادية اخ ادية
الذكريات هواي تالي حلوة مو حلوة سوية
كلشي انتهى والباقي بس دم متون
كومن واكعدن بلة منة شيردون
يتعبون من كثر الصرب ويردون
الله اكبر مابقت عدنا عيون
صرنة نخاف .. من اي شي اسمه احبال
صرنة نخاف .. لو كالوا مر خيال
صرنة نخاف .. وما نعرف دهري شضام

تذكرين .. من جانت عدنا خيام
تذكرين .. من جنة براحة انام
تذكرين مانعرف كوفة وشام




MP3

[❀ ميكان ❀]

خالو أحمد الكرعاوي
،
تسلم على المجهود الحسيني المُبارك
في ميزان حسناتك يارب
موفق

[علي الواسطي]

شكرا احمد يامبدع