هنا

[ღ عِشق ღ]

ياحسين اشماله الگلب
ياحسين امضيع الدرب
ياحسين فراگك غرب .. ياحسين

چنت اظنه دربك سهل
بكل برودي رايد وصل
وانه اقره صعدن هزل .. ياحسين

نفسي تمشي ابمشتهاهه
وانه أعمى امشي وراهه
ضيعتني ابچم متـاهه .. ياحسين

شـمسـك الضوت سماها
ماكو اوضح من ضواها
ونفسي محجوبه ابهواها .. يحسين

ندمان ،، هالمره جيتك سيدي ورايد تنجيني
ندمان ،، اقبلني واغفرلي ذنـوبي البينك وبيني
ندمان ،، ومحلفك ابدمعة عليلة اتصيح تانيني

العفــو ،،، سـيـدي
العفــو ،،، سـيـدي

ياحسين شعندي عذر
ياحسين ابيا درب أمر
ياحسين اتبده العمر .. ياحسين

بس ندم اتفايض وجيت
امعاهد ابحزني وماوفيت
لكن انته الرحمه وعفيت .. ياحسين

عفوك المحد يوصفه
روحي سباحه اعله جرفه
بين أمانك اصحى اغفى .. ياحسين

وكحه آيــا عيني صلفه
ماعمت لحسيني وسفه
تبچي بس مابيـها لهفه .. ياحسين

لهفان ،، خليني بس لمصيبتك ماغيرك اليسوه
لهفان ،، كون من اذكرك چن جمر ساحگني واتچـوه
لهفان ،، مو ادعيها لا صدگ بس انته كون اهوى

العفــو ،،، سـيـدي
العفــو ،،، سـيـدي

ياحسين وچانت حلم
ياحسين اترابك اشم
ياحسين امنيتي اللطم . . ياحسين

حلمي حققته برحمتك
ودخلت خيمة خدمتك
وطهرت ريتـي نسمتك .. ياحسين

كون اضل ابهذا حالي
بس جنح گلبي يغالي
شبيه جافيته دلالي .. ياحسين

لوم اگضيها الليالي
والدمع حبل الوصالي
ياهو غيرك ليه والي .. ياحسين


خسران ،، كل لحظة مرت ماذكرتك نادم وتايب
خسران ،، اجرحني بيك ابغربتك خليني الك ذايب
خسران ،، ماريده بضلوعي الگلب لو ع اللطم طايب

العفــو ،،، ياحسيــن
العفــو ،،، ياحسيــن
_____________________________
العفــو ،،، سـيـدي
العفــو ،،، سـيـدي

ياحسين اشگد ابتعد
ياحسين وخاضع أرد
ياحسين ارحم عبد .. ياحسين

مجلسك يحسين الدليل
الجرح بي طب العليل
اعتذاري للحب السبيل .. ياحسين

ياحسين وصرخة هاية
شوغة بيها للضماية
هنا يصح معنى الهداية .. ياحسين

حاجة مابيها النواية
يفيد بس ابجفني ماية
وابچي للراحن سباية .. ياحسين

عطشان . بس بالبواچي ابلا دمع صار الدمع ذلة
عطشان ،، وبمجلسك آه الجرح لتداوي كل علة
عطشان ،، صار اسمك وجرح الضمه كلش صعب شلة

العفــو ،،، سـيـدي
العفــو ،،، سـيـدي

كلمات : باسم الخاقاني

,z,

[الملاذ الاخير]

احسنتِ النشر زهراء .. ماجورين ان شاء الله

[نغم الجبوري]

شكرا جزيلا وردة

[¥محبوب$القلوب¥]

موفقين لكل خير بحق الحسين