هنا

[ღ عِشق ღ]

دمعاتي بحروفك هايمه
يالتحچي بمعروفك فاطمه
دخيـلك ،، ياقمر بني هاشم

الدخان البمتونك مرجله
ارزقني من عيونك كربله
دخيـلك ،، ياقمر بني هاشم

ياغالي انته الحب والهوى
ابدلالي انته داي ودوه
ابوجداني زرعت حب نينوى

ياراعي الحنيه ويا أعذب نهر
ياشريان الخوه ويا أجمل گمر
ويـة الليل البعيونك يامحلى السهر
يالبيك اتجسد نور الاربع عشر

دخيـلك ،، يابوفاضل ،، دخيـلك

اجلالي وتعظيمي لوگفتك
اقراري وتسليمي الرادتك
ياشارب يارهبة حيدره
يالگاطع چم رگبة گنطره

دخيـلك ،، ياقمر بني هاشم

يا نور الزهراء الجلي
ياناموس العالي علي
الفات يم احدودك يبتلي

جازيت اربات اختك كل هزت مهد
اتلوليك من چانت ابوفاضل مدد
اوصافك واسمائك مايلزمها حد
مخلصها انته اخو زينب شنسولف بعد

دخيـلك ،، يابوفاضل ،، دخيـلك

يم بابك تتزاحم انبياء
يالصاير قبل آدم بالسماء
دخيـلك ،، ياقمر بني هاشم

عالفطره وحب عذره اتنفسك
كل همي وفي ستري مجلسك

يا وجداني وروح الگلب
جود احسانك إينـدي حب
وما تتـعذر من تنـطلب

مولاي اتعنيتـك جاي من العدم
ابأي لون تحب انته ارسمني ابأي قلم
مر عابس من يمك شـم عطر العلم
صار أكبـر مجنون ابحب أهل الخيم

دخيـلك ،، يابوفاضل ،، دخيـلك

من خوفه الطف صلى چم فرض
يـمنزل غيــظ الله اعله الأرض
دخيـلك ،، ياقمر بني هاشم

من تزعل تتراعد چــم سـمه
الكل ينزل يتصاعد بس دمـه
دخيـلك ،، ياقمر بني هاشم

ياچف غيرة الما ينحمل
الميلة ابنظراتك تنعدل
دخيلك امروتك يا اباالفضل

ياواحد بالغيرة وكشاف الكرب
لو ما الحب لعيونك مايتسمى حب

مولاي ابتسيارك ياخذنا الگلب
حد مانوصل بابك گلـب يعت گلب

دخيـلك ،، يابوفاضل ،، دخيـلك

ابميزان الحب انته البينه
دم گلبي وسالفته وموطنه
دخيـلك ،، ياقمر بني هاشم

ياساقي ومتـكفل زينبك
وجداني وإحساسي يندبك
دخيـلك ،، ياقمر بني هاشم

يا ثاني اثنين الـ بالعشگ
يامقياس الحب والصدگ
الما شم اعتابك يختنگ

مو بس سجدة تعظيم اسجدلك عبد
كل معدوم اتنفــس حبك ينوجد
يا اصدق ماقيل واعظم من قُصد
يعيون الزهره انته وتسبيح وورد

دخيـلك ،، يابوفاضل ،، دخيـلك
_____________________________

كلمات الشاعر - احمد الهلباوي


zahraa

[❀ ميكان ❀]

المبدعة Zahraa ❤️ Al obaidi
،
تسلمين على المجهود المميز يارائعة
في ميزان حسناتك يارب
موفقة

[الملاذ الاخير]

عشتي زهراء .. جزاج الله خير

[نغم الجبوري]

أحسنتي النشر عزيزتي

[ღ عِشق ღ]

نورتوا
شكراُ لمروركم




.