هنا

[ارجع يازمان]

الخوه جانت صدك,, هسه اصبحت تمثيل!
خارج الخدمه صفت,, مابيها كل تفعيل!!
متشوهه يا للأسف ,, ما ينفع التجميل
ماكو مَحنه بعد ,, وتحسها بالتحليل
لو مالت المصلحه,, وياها كلها اتميل,
محد يريد الشمل,, كلها تريد اتشيل!
أحجيلك ابهل وكت,, واسمعها بالتفصيل,,
عل أغلبيه المثل,, مو كلها بالتعليل!!!
الابن صار الاخو,, والاخو صار ادخيل!
والزوجه هيه الصفت,,تأمر عله التعزيل
امكاطع اويه الاهل--لا جيه لا توصيل
والزلمه وكت الحَجي,, ما عنده كل تخويل!
يمكن تواصل يصح,, يم دفة التغسيل!
اكلوب متباعده ,, وبس بالصور تقبيل!
محد تعنه الاخو,,, ويعينه بالتسهيل!
كلمن لكاله عذر,, بمكاطع التطويل
خلف الله علفاتحه ,,اتشاوفنه بيها ابليل!
حسين االساعدي

[majeed_k_g]

مشاركة في قمة الروعه لطالما كانت ..مشاركاتكم متميزة لا عدمنا التميز و روعة الاختيار دمتم لنا ودام تالقكم الدائم