قصيدة : هلج وين يزينب
الرادود الحسيني : محمد الجنامي
كلمات الشاعر الحسيني : كرار حسين الكربلائي
محرم 1443-2021
ليل احدعش ليل .. ماخلة كل حيل
تعبانة من ليلة امس .. مانامت العين
وارماد الخيام .. بوجوه الايتام
كل ساعة يسالني الدمع .. زينب هلج وين
هلج وين يزينب .. هلج وين يزينب
طولي ما مشيوف حتى بطيف واليوم .. غربة شافوه
من الظهر لسة ركض وسياط والكوم .. حيلي هدموه
نهار الطف سوالف سوة بية
عصي واسياط وانة اشگف بدية
اليذبحون العدة بعاشور يرتاح
ذبحكم اهون من المر علية
بزينب يشمتون .. كلهم يضحكون
اعثر ولا واحد يكلي اصملة بالناس
اعثر بالذيال .. وبذمتي عيال
وگبالي اشوف اطفال اخوي بخيل تنداس
صواويني تلهب .. هلج وين يزينب
صار الغروب وحرت بمدللاتي .. اشلون بية
ماكو خيمة وصايرة خيمة لخواتي .. هالمسية
فرشت دموع عيني فراش بالگاع
انوم طفلة وتفز طفلة كل ساع
اخاف اعلة اليتامة واحد يضيع
واحسب من يدوره الطفل لو ضاع
من صار الغروب .. عيني اعلة الدروب
حيهم صحت هلبت بني هاشم يفزعون
انطي الوجه وين .. مذبوح الحسين
جدامي راسه اعلة الرمح ويدير العيون
ترى گلبي شيب .. هلج وين يزينب
احرس النسوان من راحت زلمنة .. بليل الجروح
دورت لن حرمة ماهية بحرمنه .. وشاغت الروح
اطلع بالليل ادور وحدي عنها
الرباب اشتاكت ورادت ابنها
اسمعتها تصيح يوليدي دللول
يبعد امك ترى امك در لبنها
ماشافت النوم .. وبكربلة تحوم
والفاركت مثل الرضيع اليوم شتكول
ما لحظة ترتاح .. منها الولد راح
ستة اشهر وما شابع من امه دللول
الخدر ليش تغرب .. هلج وين يزينب
الموقف البجاني لمن جابو الماي .. للنساوين
طفلة گالت عمة زينب كومي وياي .. نمشي لحسين
يعمة نروح من نحره نشربه
على الله ويبرد من العطش كلبه
ترى الشافت ابوها يموت عطشان
يطاري الماي ابداً ما تحبه
والماي ياناس .. مر عگب عباس
ما اشربه ذاك الكطع من الكافل جفوف
دلالي عطشان .. من شوفة الخوان
من فرگة اخواني بعد بعيوني ما اشوف
العدوا بكيفه ينهب .. هلج وين يزينب
ادعي من الله عسن مايخلصن الليل .. كلبي محروگ
والسبي اخ السبي شيخلي بالحيل .. وهزل النوگ
اذا صار الصبح اطلع سبية
اعداي احبال خشنة محضرة لية
اه الشام واتمنيت يا ناس
اموت ولا اطب ديوان امية
ذاك الصبح كون .. متشوفه العيون
انة سبية واخوتي بس روس برماح
انة اخت الحسين .. وادخل دواوين
الفارك هلة ورافك عدوه بموته يرتاح
دلالي تسلب .. هلج وين يزينب
رد مع اقتباس
