دخل مسلم بيده الرايه و شاد بعيونه النگاب
دخن وضهضب وعيت فوگهم حل العذاب
گام يردم زلمه زلمه وشالها اوماخله باب
من صفت بس هو واگف والجثث فوگ التراب
ماكو بيهم روس ثاري لكربله موصل الرگاب
يادخيل اعيونه .. حيدر يسمونه
[ لخيام حسين .. گام يشمر بالخيل
لخيام حسين .. گام يشمر بالخيل]
وا مسلماهـ وا مسلماهـ
امنين ماشردو يجيهم ويه مسلم حيره هاي
صاح آخر جندي يركض هذا مسلم من وراي
شردوا وصيح الأول هذا من گدام جاي
صارت اليسره يمين ومابقه اعله الجيش راي
هذا عود الصار كله وطوعه مامنطيته ماي
بيهم اشجع واحد .. گبل مسلم شارد
[ چا طب للشام … مسلم لو شارب ماي
چا طب للشام … مسلم لو شارب ماي ]
وا مسلماهـ وا مسلماهـ
صعد خيال الهواشم والمهر شگ الرياح
صوته يشبه صوت حيدر چنه آذان الصباح
صاح والخياله گامت تعثر بذاك الصبح
الجيش من گد خوفه يركض مامخلي مستراح
هيبه مسلم ضال واگف والقصر بالكوفه طاح
الخيل تعب حيلها .. الگاع راد ايشيلها
[ مسلم ماطاح .. راية ابچف العباس
مسلم ماطاح .. راية ابچف العباس ]
وا مسلماهـ وا مسلماهـ
غيم اعله الكوفه مسلم گام فوگها يحوم
ظلمه صارت من دخلها وعجت اتراب وسموم
هذا مات وهو واگف ذاك مايگدر ايگوم
شكو طلابه بيها مسلم سيفه يگضيها ولزوم
شمرة العباس عنده وسيفه يوصل للنجوم
مثل حيدر نازل .. ياشبيـه الكافل
[ شردها الگاع .. مسلم مثل العباس
شردها الگاع .. مسلم مثل العباس ]
وا مسلماهـ وا مسلماهـ
ساكت ويرهب سكوته وچان اعلى من الصهيل
صاحو ادخيلك وگلهم ماكو عد مسلم دخيل
آنه ابن هاشم اوهاشم خلفت وين الثگيل
امنين ما مالت مهرته السبعه ويا هم تميل
ركض والسبعين رگضو عكس مسلم بن عقيل
من يطگ بچفوفه .. تصير حمرة الكوفه
[ قائدهم صاح .. ذب راسك واركض حيل
قائدهم صاح … ذب راسك واركض حيل ]
وا مسلماهـ وا مسلماهـ
صلى بالميدان مسلم وبعزم طال القنوت
وزار الحسين وتبسم گاله ابشر راح افوت
سيفه بگرابه وگضاهم ماطلع من سيفه صوت
كلها موته وگام هوس مايحب هذا السكوت
طبها راعي الغيره .. حيراهم حيره
[ مابيهم روس .. شردو حتى الميتين
مابيهم روس .. شردو حتى الميتين ]
_____________________________
الكلمات للشاعرين : محمد الموسـوي ومحمـود الموسـوي
تنزيلmp3
Z
رد مع اقتباس
المشاركة الأصلية كتبت بواسطة احمد الگرعاوي
