هنا

[ღ عِشق ღ]

بضعوني مشيت .. فيّ طولك احتاجيته
خويه بچيت .. بيدي الدمع غطيته
ماهي البيت .. والخلگ كلمن بيته

هيمه .. ضعن وانه امشي بالهيمه
هيمه .. شكبرها عازة الخيمه
خويه ذكرتك من حچه الشامت
هيمه .. صحت وينك يبو الشيمه

شفت رايتنه مو هيه.. گلت راح امشي مسبيه
يبوفاضل اجيت وياك .. ردت تنهض ترد بيه

عباس وعيونك .. ماشوف من دونك
حرت ياخويه بضعونك

دمعاتي تصيح .. تندب كفيل اخيامي
گلبي جريح .. ضعني انسلب جدامي
امشي واطيح .. هاي اربعين ايامي

حيره .. مشي من دون اخو حيره
حيره .. ارد من ديره اطب ديره
ماكو العلينا تشيله المروه
حيره .. ولا حادينه بي غيره

بعد غربة ظهر عاشر .. سبابه ابلا اخو نسافر
شفت طيحة صواويني .. مشي الليل ابدرب عاثر

عباس دمعاتي .. تنخاك وآهاتي
جروحي وكل معاناتي

عباس وعيونك .. ماشوف من دونك
حرت ياخويه بضعونك

هم گلبي چبير .. وارد احچي وي كفالي
ضعني اسير .. معنده اخو لا والي
امشي وادير .. عيني اعله عم اطفالي

وينه .. نذره چفينه الي وينه
وينه .. رقيه اتريده وسكينه
ويلي يصيحن عم يبـوفاضل
وينه .. گطع حادي اجنبي بينه

الضعن مابي علم كافل .. بلا هودج ستر شايل
وبناتي من أگبل الحادي .. بچن صاحن يبو فاضل

ونيت لخيامي .. وحنيت لأيامي
فگدتك وي بچي ايتامي

عباس وعيونك .. ماشوف من دونك
حرت ياخويه بضعونك

دمعاتي تسيل .. وشفت الهضيمه ابعيني
دربي طويل .. كل خطوه اله تبچيني
حملي ثگيل .. والاجنبي يماشيني

ويلي .. الشمس طلعت عليه ويلي
ويلي .. الرمح والفوگه هد حيلي
ابعيني الف سيف وألم حاري
ويلي .. ولا چف غربه توميلي

عشت بالكوفه وادريها .. تهت يوم الرحت ليها ..
لأن مامره ياعباس .. بنهار الله اطلعت بيها

طبيت محرومه .. ورديت مهضومه .. عگب طف كربله ويومه

عباس وعيونك .. ماشوف من دونك
حرت ياخويه بضعونك

اگضيها نحيب .. ومن غيبتك مكسوره
حالي غريب .. بهيمه ودرب عاثوره
عني تغيب .. وانه الصرت ناطوره

كافي .. يدهري من الهضم كافي
كافي .. اطرها هيمه ابجدم حافي
وينك عطشت مروتك وماايك
كافي .. اون ومفطره اشفافي

صحت يـا الـ عالنهـر نايم
تعال الحگ ضعن هاشم
على دروب السبي والليل
تعرف الجدمي ماراهم

عباس ياويلي .. فرگاك هد حيلي ..
نهاري ابچيلك وليلي

عباس وعيونك .. ماشوف من دونك
حرت ياخويه بضعونك

_____________________________

كلمات الشاعر -- احمد الهلباوي

[الملاذ الاخير]

عاشت الايادي زهراء .. ماجورين ان شاء الله

[نغم الجبوري]

بوركتي للنشر

[حسن هاشم]

عاشت ايدج زهراء

[ღ عِشق ღ]

ممتنة للمرور نورتوا









،