هنا

[الملاذ الاخير]

قصيدة : عله عيونه
الرادود الحسيني : محمد الحلفي
كلمات الشاعر الحسيني : حسين البغدادي
محرم 1443-2021

عله عيونه .. عله عيونه
وليدي شايل الغيرة .. عله عيونه

عفية بوليدي علي .. عفية يازينة هلي
حاط الله وياك من حسادك
وجهك مغيم شرف .. طولك اعلة الحد وگف
الگاع خضرة تاخذ بنظراتك
نحتفل بالطف سوة .. ناخذ ويانة الهوة
روسهم تتطاير بميلاتك
يسمونة يسمونة
صگار الزلم بالطف يسمونه
عله عيونه .. عله عيونه

يل گوملهم بعد .. واحنة بالطف ع الوعد
بساع بوية لا تطول بيهم
هسة وگفلي الذبح .. ارجع وجيب الصبح
بوية يرتاحون هم خليهم
اعلة كيفك بالحمل .. لا تكثر بالكتل
وداعت العباس لا تحاجيهم
يلمونة .. يلمونة
دمهم تارس الحومة يلمونة
عله عيونه .. عله عيونه

اعطش واتعب كفو .. ياعلي دمك حلو
الورد خضر غيره من خطواته
سيفك مثلم رگب .. وجهك ملثم غضب
شبيهم يرجفون من نظراته
يا محمد ياعلي .. فوت بيهم واعتلي
تارس عيون النهر صولاته
انخطف لونه .. انخطف لونه
الماي الماتمر منه انخطف لونه
عله عيونه .. عله عيونه

بوية ابو فاضل زعل .. ع الوضع لا ماقبل
يسكت اعله ازماط لا مو عاده
ارجع وكله هلة .. وبخدمتك كربلة
راضي عمك عوف نص القاده
ولد عمك هوسوا .. بالعمامة تحزموا
اليوم ابو الحملة نعيد امجاده
يعدلونه ..يعدلونه
عمامك من يميل الطف يعدلونه
عله عيونه .. عله عيونه

يلة خوتي تحزموا .. ع المنية تقدموا
ابني اول واحد يطب بيها
علي بوية اعله الحرب .. اليوم بالطف تنگلب
اليوم اريد الروس متخليها
هذا موتك يلولد .. جدك متاني الوعد
بزود حيدر يبني فوت عليها
يرسمونه .. يرسمونه
طولك ع الشمس راية يرسمونه
عله عيونه .. عله عيونه
وليدي شايل الغيرة عله عيونه

[حسن هاشم]

شكرا جزيلا الغالي للطرح

[❀ ميكان ❀]

خالو أحمد الكرعاوي
،
تسلم لنقل والمجهود الحسيني المُبارك
في ميزان حسناتك يارب
موفق

[نغم الجبوري]

شكرا احمد

[ღ عِشق ღ]

جـزيل الشُكر



.