هنا

[الملاذ الاخير]

قصيدة : بس الليلة يمنة
الرادود الحسيني : مرتضى حرب
كلمات الشاعر الحسيني : مرتضى حرب
محرم 1443-2021

من وجهك عرفنة .. بس الليلة يمنة
عينك يا حنيني .. دخليها اعلة عيني
حتى اشبع محنة .. حتى اشبع محنة

تعال اكعد بنصنة حسين هاي اخر ليالينة
خلي انحفظك ونقراك لو وحدنا ضلينة
يمنة انتة ونباوع بيك ونكلك اشتاكينة
من هسة عطش فركتك خوية بين اعلينة
نشمك نسمة نسمة .. نحفظك كلمة كلمة
احجي انحب سماعك .. نسينة وداعك
يالذة خيمنة .. يالذة خيمنة

سولف حتى ما نعطش كلامك ماي يانعمة
من تحجي حجي ينضاك شنهي تخلي ع الجلمة
مو بس ينسمع ينشاف حجيك كل حرف زلمة
كلامك جي صدك متروس اليسمعه يلزمه ويشمه
سولف واحنة نسمع .. يالمنك منشبع
مدري شكد صفاتك .. ياهيبة خواتك
يالعينك وطنة .. يالعينك وطنة

حسين احجيلي عن باجر قريت بعينك المحد
باجر كلنة مو يمج تكلي دموعك اعلة الخد
وطولك فوك ابو فاضل يكلي باجر تمدد
اذا حتى ابو فاضل راح شحط بمجانك وينسد
يعني صرنة غربة .. باجر والله صعبة
يعني ماكو خيمة .. ياخوية هظيمة
كلشي ولا خدرنة .. كلشي ولا خدرنة

حدر يافي اذا رحتو يلوذن بعد خدركم
اهل غيرة انتم النسوان لو صاحهن يهظمنكم
باجر اه يا باجر اذا طاحن عمايمكم
بلية روس وتكومون الفواطم من يفزعنكم
لو طاح الكفلهن .. يحتركن خيمهن
يحتركن عليهن .. ياخوية عبيهن
باجر ياهظمنة .. باجر ياهظمنة

هدمتني هدم يحسين احا يالليلة العاشر
بعباتي العلي تكبر راح الم نسوانكم باجر
وانومهن رغد يحسين اكلهن كلشي ماصاير
عطشانات اذا فزن اكلهن كافلي حاضر
ماخلهن يحسن .. بلية والي ضلن
لو سمعنهة ونتي .. لو شافن دمعتي
اهنا معناها ضعنة .. اهنا معناها ضعنة

كلهة بجفة وبجفة اذا مرينة من يمك
انة اعرف غيرتك يحسين هاي السالفة تهظمك
يبن امي عمت عيني من اشوفك سابح بدمك
ونتوادع وداعن عيون من نحضنك نلجمك
من دوس الحوافر .. كلك لجمة صاير
تعمدوا من خذونة .. يمك وگفونة
من يمك عبرنة .. من يمك عبرنة

[❀ ميكان ❀]

خالو أحمد الكرعاوي
،
تسلم خالو على المجهود الحسيني المُبارك
في ميزان حسناتك يارب
موفق

[نغم الجبوري]

شكرا جزيلا على النشر

[حسن هاشم]

شكرا جزيلا اخ احمد الغالي