حضني نگع من دمك .. يبني وشگل لأمك
كل ظنها من ماي العذب رويتك
ماتدري مذبوح ابسهم رديتك
يبني وشگل لأمك .. يبني وشگل لأمك
____________________________
يابويه بمصابك حرت والسهم شل الساني
امك وعمتك والحرم بالخيم كلها اتاني
حسبالهن ماي اشربت من جبتك لعدواني
يوليدي وين اخفي السهم لو سكنه تتلگاني
والسهم بس يتحرك .. يابويه يگطع نحرك
من عين امك لو يصح لأخفيتك
ماتدري مذبوح ابسهم رديتك
يبني وشگل لأمك .. يبني وشگل لأمك
____________________________
سهم المصوب منحرك نابت يـبويه ابگلبي
وبعيني ماشوف الخيم ضيعت حرثة دربي
يبني وخواتك تنتظر وعيون عمتك تربي
ياذنب من عندك سده لو صوبوبك ابذنبي
ليش ابسهم يرمونك .. ومن دمك يشربونك
يبني من امك للمنية اخذيتك
ماتدري مذبوح ابسهم رديتك
يبني وشگل لأمك .. يبني وشگل لأمك
____________________________
يبني كلت بلچي العده بگماطك يشوفونك
لابد گلبهم ينكسر وبمايهم يروونك
ماچنت ادري بالسهم نيتهم يذبحونك
يوليدي وبدال العذب من دمك يشربونك
صابوا ابرمحك روحي .. اغمگ جرح بجروحي
شلون الخواتك يبني لو راويتك
ماتدري مذبوح ابسهم رديتك
يبني وشگل لأمك .. يبني وشگل لأمك
____________________________
لو ادري عفتك بالمهد يوليدي تخلص ضامي
ولاشفتك ابعيني السهم كص منحرك جدامي
عيني اعله گوم الخلصت وعين اعله حضن الدامي
ضليت وحدي والحرم لا كافل ولا حامي
وانه اعله اثرك تدري .. ينگطع مثلك نحري
لامك اخاف اتموت لو سلميتك
ماتدري مذبوح ابسهم رديتك
يبني وشگل لأمك .. يبني وشگل لأمك
____________________________
انه اعله اثرك انذبح ماباقي شي من عمري
بس الفرق انته ابسهم وانه انذبح من ظهري
روحك ابحضني وفرفرت بس انه اگع من مهري
يگعد على صدري الشمر وبسيفه يگطع نحري
ينعزل من جسمي الراس .. وبحافر الخيل انداس
ابحال الحرم شيصير لو وصليتك
ماتدري مذبوح ابسهم رديتك
يبني وشگل لأمك .. يبني وشگل لأمك
____________________________
يوليدي كسريت السهم واخفيته من عين امك
وين اخفي دمك لو اجت وبحضني شافت دمك
من حگها امك يالولد لمن تموت ابهمك
ماي وتبده اعله الارض يبني وبعد شيلمك
راح اعتني لمصابي .. واتبع اثر احبابي
بصيوان عمتك يالولد خليتك
ماتدري مذبوح ابسهم رديتك
يبني وشگل لأمك .. يبني وشگل لأمك
____________________________
كلمات الشاعر: عزيز الفيصلي
تنـــزيلmp3
z
,
رد مع اقتباس
المشاركة الأصلية كتبت بواسطة نغم الجبوري
