هنا

[الملاذ الاخير]

قصيدة : ياليلة ياليلة
اداء الرادود الحسيني : سيد فاقد الموسوي
كلمات الشاعر الحسيني : احمد المشرفاوي
محرم 1443-2021

ياليلة .. ياليلة شيخلصها وية ابني
يريد يروح من حضني ياليلة ياليلة
خلي انعطلة ياليلة .. كل ما اودعه صيحيلة
ياليلة .. ياليلة

ياليلة الاكبر مو سهل
مو اي ولد حتى يغيب
يوزع شباب بجيته
بس روحته توزع شيب
مرضني عشگه من الزغر
لا طبت منه ولا طيب
التارس خيمنه بضحكته
لو راح يترسها ثغيب
ما يدري .. مايدري هو الواهس وكلشي
كلشي يروح من يمشي مايدري ما يدري
هنيال الرمل بابني .. راح يبوكه من حضني
ياليلة .. ياليلة

مايرضة يتغير علي
تارسني طوله شكله
كل احنة غيرنه العطش
بس من عطش صار احلة
مشلوع من نص الگلب
لو راح ما يرجعله
مو كوة ياليلة الذبح
موش اله ولا يرهمله
من ايدي من ايدي شيخلص علي من ايدي
من اشبك على وليدي من ايدي من ايدي
ظليت اكسر الخاطر .. شمعطل علي باجر
ياليلة .. ياليلة

عايش بكيفه من انولد
جنة ابنه ما جنة ابني
من يبجي اتعب وحدي
من يضحك يضحكني
اتمنى خلصت العمر
هيج وعلي يصاحبني
من الزغر منه استحي
هسة اكثر محيرني
هم شفتي .. هم شفتي هم صارت كبل عدنه
والد يستحي من ابنه .. هم شفتي هم شفتي
واحد يشبه عيونه .. المثل ابني يذبحونه
ياليلة .. ياليلة

توه انولد ليمت كبر
ليمت لبس سيف وطاس
كلش حلو طول الولد
ما ضاع يمه العباس
ما ينوصف مثل الضوة
ينشاف بس ما ينجاس
لا هو حزن لا هو فرح
مفرحني ومشيب الراس
مثل ابني مثل ابني .. ماشافت ولد عيني
يضحكني ويبجيني .. مثل ابني مثل ابني
غير انتي ام علي الاكبر .. جا ليش اني احب اكثر
ياليلة .. ياليلة

جنت انك اشيله اعلة المتن
بس انة احس شايلني
من زغره بعيونه حزن
جنت ادري بي عايفني
ياليلة عندي اخر طلب
كليله لو ودعني
لا يشبك عليه ويرد
خلي يظل شابكني
گليلة گليلة .. خلي يشبكني واحدنة
بلكت موتتي بحضنة .. گليلة گليلة
الله يساعدك يبني .. مدري الله يساعدني
ياليلة ياليلة

[YAĞMUR]

بارك الله بك حمادة

[نغم الجبوري]

قصيدة رائعة شكرا