هنا

[المستشار القانوني]

عظم الله اجوركم بمصاب ابي عبد الله الحسين عليه السلام
..................................
ياشهر عاشور بس رد الجواب
ليش ابو السجاد ظل اعل التراب
.................................
بيك سبط المصطفى الهادي البشير
اوحيد بلميدان ظل بلا نصير
ابد مثل مصابه لاصار ويصير
بلطفوف الشاف انواع العذاب
...................................
اه ياشهر المأسي والهموم
بيك 70 الف غربان وتحوم
لاتلوم العين ابدا لاتلوم
لون دم اتسيل الهذا المصاب
................................
اه ياعاشورياشهر الحزن
بيك سبط المصطفى بلايه دفن
ظلت الاملاك لمصابه تون
هذا ابو السجاد ياسيد الشباب
...............................
يامصاب المثله ابدا ماحصل
انذبح بيك حسين ابن خير العمل
والمأسي وي سبي كل الاهل
وزينب العدوان الهه ماتهاب
...............................
اه شحجيلك بعد عن الطفوف
بيك سبع الكنطره بلايه جفوف
تولته العدوان بلحومه الوف
وخله كل عسكر اميه بارتياب
..............................
وبيك ياعاشور زينب حايره
يوم دارت عله احسين الدايره
وشافت العدوان كطعو منحره
هذا ابو السجاد ابن فصل الخطاب
................................
ياشهر عاشور ياشهر العويل
عيال ابو السجاد ماعدهه معيل
ويه زينب مابقه بس العليل
الباري راده الحفظ ايات الكتاب
................ .............
ابد ماننساك من دون الشهور
بيك لرض الشام مرفوعه النحور
وسفه ابن الدعي يسكن بلقصور
وبيك سبط النبي ظل اعل التراب
..........................
الدهر ياعاشور ما انصف وجار
ابد لا للذله اسمع هلقرار
شلون يتساوه الظلام وي النهار
بساعة المحشر تره يصير الحساب
ياشهر عاشور بس رد الجواب
ليش ابو السجاد ظل اعل التراب
.............................
م.

[نغم الجبوري]

عظم الله لنا ولكم الأجر بهذا المصاب الاليم
بوركت للنشر