يالواگف اباب الجفن......موقف ابكبر السبعه
المثلك ايحط فيّ للشمس.....يابـوالفضل شيوگعه
انته اخو وصاحب وفـي......وفارس حنين وصاحب دمعه
يااحچايه ابگد وداعك
تنحچـي وبوداعك اقنع!
كون تطلع من خيمنه
روح اخوك اوياك تطلع
ابقه چلمـه صار يمي
لو اعتازك شنهي اسمع
انته تدري وانه ادري
لو رحت چم گلب تشلع
انته الحچي الماينعبر
سولفلي اكثر عنك
انه ابحضرتك منعجب
عباس شـكبر منك
ياچلمه الخويه الصدگ
وحـچيّ البعيني اتسمعه
فارس حنين ودمعه
___________________________
جبـل ومطشرلي روحك
مامـعودني أدورك
وين مادور الگه منك
صوت من عمري اعله عمرك
اچــتافك امچان ليمينـي
وين احط إيدي امـن اخسرك
لا توادعني ابعيــونك
عيني راح اطيـح حَدرك
البيهن اشبگك گبل ايدي
هسه انته يمي وعطشن
يامايـهن واحله ضوه
ترضه التـحبهن يعمن
يحچايتي الما تنثني
البية طبع مافزعه
فارس حنين ودمعه
___________________________
ياعيوني الياخـذني
لأحله خويه لو شفتهن
البيهن الگه وجوه اهلنه
خويه لا تحرمني منهن
انه چم عباس عندي
الأعشگ اعيونه ابزعلهن
الحاضنات الگلب ذابن
خويه حط ايدك حدرهن
ضل يا أمان الـ بالخيم
من اسمع مشيتك تكفي
يامحبس البي مستعز
غير انته كشخة چفي
يالراسك مثگله الوفه
ويمي ابد مترفعه
فارس حنين ودمعه
____________________________
بعالمك خليني عايش
اشلون مايحلالي افهمك
بعيني ارسمك ساعة إبني
وساعة قائد جيشي ارسمك
ابصبحك اطلع نجمه وحدي
خاف مايكفيك حلمك
بسمك اتعمد اندبك
بصوتي اعرفك تعشگ اسمك
يهواي يالـما تنحسب
يالـما تلمك صفنه
ياسالفتنه الـ بالخيم
يافـرح گلبي وحزنه
يالأغلى من آخر نفس
ياسيف اخوك ودرعه
فارس حنين ودمعه
____________________________
ظهرك اول مرة اشوفه
ابظهري عمرك كله واگف
صدگ صارت يعني رايح
شـو احس ابگلبي ناشف
شيل عينك خل اشوفك
گبل مااعطش سوالف
اضحكلي اخر مرة خويه
ابدمعك اضحك مايخالف
هلبت الـ بلگوة يدگ
اتبرده ابتسامة عينك
ابكل خطوة الك صوب النهر
ينزف ابحيله حسينك
يالطلعتك صوت وطلع
وصوت الطلع شيرجعه
فارس حنين ودمعه
____________________________
ابصدري صيحه ابكبر خوتك
مااتكفيه المسامع
طولك الگا نـهر واگف
وين ما بالدنيا اباوع
حيل ينراد الغيابك
وانه گلبي فراگ شابع
هاي اول مره خويه
هيچ احس ابروحي ضايع
هسه انكسر ظهري صدگ
والظلمه ترست عيني
عباس راح اشضل بعد
ضلت وحدها ايميني
معقوله تبقه اعله النهر
والسيف جسمي ايگطعه
فارس حنين ودمعه
____________________________
كلمات واداء ♥ مرتـضى حـرب
تنــزيلmp3
zahraa
,
رد مع اقتباس
المشاركة الأصلية كتبت بواسطة ؏ــچۚــېْۧــد ̨اڸــڭــﯣمۘ
