أمن خيام الصابره
ربتنا غيرة حيدره
مانتخذ ليلك جمل
لبيك يـبن الطاهره
_____________________________
اتوضوا ابدمع الخيم لمن بده فرض العهد
وأذن حبيب اشهدُ أن ابگلبي غيرك منوجد
من بية طلگت طلگتها الدنيه لجـلك للأبد
ووالدٌ وما ولد .. يا قُلْ هوَ اللهُ أحد
يا قُل هوَ اللهُ أحد
لبيكَ يـبن الطاهره
_____________________________
ابروحي طگـ حبك عِرگ
ولمن طِلع شيب العشگ
غازلها بمحـبتك أجل
وهذا الأجل اتنطـره
أمن خيام الصابره
ربتنا غيرة حيدره
مانتخذ ليلك جمل
لبيك يبن الطاهره
_____________________________
سكتت الدنيه من بده عابس يبسمل سورته
حاءٌ وسينٌ ثمَ ياءٌ ثمَ نونٌ آيته
بغار الغرام اقره هتف
وحي الغرام وصيحته
حب الحسين اجنني
هل من منافس جنته
لبيكَ يـبن الطاهره .. لبيكَ يـبن الطاهره
_____________________________
كُنْ فيكون اتجننت
اشلون ابتعد من شيبت
ومو بالمشيب امن الأزل
روحي بجنون امبشره
أمن خيام الصابره
ربتنا غيرة حيدره
مانتخذ ليلك جمل
لبيك يبن الطاهره
_____________________________
الأشوس الأقعس قسم والخدر وخيام الخدر
انه زهير وكعبتي خيامچ يبت فارس بدر
لو الف مره انذبح وارجع الف مره انشر
اسماعيل اردّ اوصيحيتي لبيكِ يا أم الصبر .. لبيكِ يا أم الصبر
لبيكَ يـبن الطاهره
_____________________________
وبالموت استانس مثل
بالدره يستانس طفل
وصفنا ابن خير العمل
وصف الإمام انكرره
أمن خيام الصابره
ربتنا غيرة حيدره
مانتخذ ليلك جمل
لبيك يبن الطاهره
_____________________________
لبسو گلب فوگ الدرع صفو نحر يم النحر
صف برير ابـأوله ومن آخره اخذ الخبر
تلگه الخدامه حزمت جون شبعد تنطر خبر
ياهو اوفى من عدهم أبد ماظلت الخضره بشر
لبيكَ يـبن الطاهره
_____________________________
عذرًا بدر عذرًا أحد حسين ومثلهم لم يجد
گطعوا الدابر كل جدل وكلمن نزف دم منحره
أمن خيام الصابره
ربتنا غيرة حيدره
مانتخذ ليلك جمل
لبيك يبن الطاهره
_____________________________
كلمات الشاعر - علي العابدي النجفي
تنــزيلmp3
Z
رد مع اقتباس
المشاركة الأصلية كتبت بواسطة احمد الگرعاوي
