افتحت عيني على رسمك
وعلى أذني امتلى اسمك
كبرت اني وكـبر وياي
حبك سيدي وهمك
شفت من الزغر عطفك
على راسي مسـح چفك
وحي اتنزل عليّ طفك
حُسيني
اعله حزنك انه تربيتي
المآتم من زغر بيتي
الحمدلله انعرف صيتي
حُسيني
العلاقة وياك مو قصة حـوائج وانته تگضيها
علاقتنا عهد للموت عيني عليك اجريها
دليلي المنفجع .. وجفن يجري الدمع
من المهدِ إلى اللحدِ .. حُسيني
يمالك هالعمر .. الك ناذر نذز
من المهدِ إلى اللحدِ .. حُسيني
يسألوني اجيتا منين أصلك وين وانته من يادين
انه من البداية حسين ولحد يوم الممات حسين
بقايا انه من طينك
من زغري تحت عينك
يميني لازمة يمينك .. احبك
يا آسرني واريد اكثر
اريد هذا العشگ يكبر
من الدنيه إلى المحشر .. أحبك
دخيلك لا تخليني خلافك عيشتي ذلة
انه بـ هالدنيا بس بابك وحقك سيدي اندلة
سنه تلو السنه .. على بابك انه
من المهدِ إلى اللحدِ .. حُسيني
يمالك هالعمر .. الك ناذر نذز
من المهدِ إلى اللحدِ .. حُسيني
يمن حبك سكن بيه ابخيالي وروحي والريه
يجي يوم وبعد تصعب زيارة كربلا اعليه
يبو الاكبر تره صعبه
اليحبك ينكسر گلبه
حلمه ابديره الغربه .. يزورك
المتعود يجي الحائر
يضل ابغربته حاير
دواء الكسرة الخاطر .. يزورك
عليك الـلي انسبت للشام
وعاشت حسرة العاشر
اريد الكربله اوصل
واضل طول العمر زاير
واجيك الاربعين .. حبيبي ياحسين
من المهدِ إلى اللحدِ .. حُسيني
يمالك هالعمر .. الك ناذر نذز
من المهدِ إلى اللحدِ .. حُسيني
_____________________________
كلمـــات الشــاعر ; عبداللطيف خالدي
تنــزيلmp3
Z
رد مع اقتباس
المشاركة الأصلية كتبت بواسطة حسن هاشم
