قصيدة ( فوگ النوگ )
اداء الرادود الحسيني : سيد فاقد الموسوي
كلمات الشاعر الحسيني : مرتضى حرب
محرم 1443-2021
بنص السوك .. فوگ النوگ
كلها تباوع ومحتارة اختكم
خوية شلون .. مو تدرون
جانت تحلف الناس بخدركم
بجفوفي اضم وجهي گمت من مستحاي
حنيت ودرت وجهي لجن خالي گفاي
شكات وضحك عالي الي مضمومة هاي
عيوني تدور جلمة خوية .. وراية وأمان
شافت طولي عيون الوادم .. والله زمان
الشام انزرعت وادم تضحك .. من كل مكان
خوية وموتي بذيج الساعة .. تمنيته حان
باب الشام .. موش ولام
بي وكفوني وانة مدللتكم
خوية شلون .. مو تدرون
جانت تحلف الناس بخدركم
سبوني وذكرت اهلي وصفگت ايدي وبجيت
صحت يمة دلحكيني من المعاين كضيت
سمعت كلمة سبيناها نحجت وانة استحيت
مدنگة بنصهم ويصب دمعي .. يا حالي حال
مهظومة انشغ من كل گلبي .. راح الدلال
من جف عباس انحط جفي .. بهاي الحبال
بروحي اتحير لو بالوادم .. لو بالعيال
محد شال .. حملي المال
يبن امي علي البية شگلكم
خوية شلون .. مو تدرون
جانت تحلف الناس بخدركم
عطشانة وحبل بيدي وخذت حيلي العيون
نزل دمعي وعلي بعد جفوف الينتخون
اناشغ وادري بدموعي عليكم ماتهون
انة المحد شايف ضلي .. الكافلني سيف
طريت الديوان بطولي .. ياخوية حيف
ابجي ودمع الظالم عده .. وعد ربعه كيف
يحجي بصوته باسمي موش .. اعلى كيف
هاي جروح .. لا متروح
الذبح جرحي وسبيتكم جرحكم
خوية شلون .. مو تدرون
جانت تحلف الناس بخدركم
رد مع اقتباس
