هنا

[ღ عِشق ღ]

كُل شي يسبـح الـرب البــريه
باچر يبچي دم لأبـن الزچيـه
عـدو الإمـامه .... يريد إنتـقامه

نعم كل شي يسبح للعلي القادر
يحس ابـهالمصيبه ويبجي دم باجر
نشوف الحق وحيد وما إله ناصر
تره اكبر جريمه اتصير بالعاشر
تخون الناس ربها ويغدر الغادر
سلاح الإنتقام الماي والحافر

باچر الله يستر من صباحه
باچر بس مشقه وماكو راحه

عرفنه العلامه .. يريد انتقامه


بده جمع الحطب وهوايه حماله
بده راس الخيانه يجمع ارجاله
اليسولف بي مرض والتسمع امثاله
يخطط للقتال ويشرح الحاله
اوصيكم غداً مانرحم اعياله
ولا تبقون بقيه للنبي وآله

باچر ماكو رحمة ولا عداله
حتى الــ بالمهـد واجب قتاله

مُلخص كلامه .. يريـد انتقامه


تسولف بالحرب هالناس منشغله
ولا واحد شفت خجلان من فعله
يگول الاسدي باچر حصتي سهله
علية ابن الحسن جاسم عزيز اهله
ولا ارتاح إذا جسام ما اقتله
اطر راسه واحطم كل حلم رمله

باچر تنطفي شمعه شبابه
باچر حنة اچفوفه بخضابه

تطيح العمامه .. يريد انتقامه


ابن منقذ العبدي اهواي يتوعد
إذا مااقتـل الاكبر فلا ابرد
عزيز حسين هذا ويشبه الأحمد
إذا مافاز ابن غانم انه اتعهد
شرط باچر ابوه ابصفه يتمدد
اريد اسمع نحيب ويطگ يد ابيد

باچر افجع حسين بحبيبه
حتى للخيم يوصل نحيبه

واكثر سهامه .. يريد انتقامه


رجال ابخيمه بس آراء مختلفه
من طاري اسم عباس متخوفه
گالو مستحيل ايطيح ونعرفه
حكيم ابن الطفيل اتبرع ابچفه
انه خلف النخل مجبور اتخفه
وإذا اگطع يمينه ممكن انضعفه

انه اگطع يمينه اتبرعلكم
هاذي حصتي واليسره الكم

نزيح الغمامه .. يريد انتقامه


يگولون ابگطع چفينه مانسلم
نريد الماي مايوصل للمخيم
ابن كاهل يگلهم عندي حل أسلم
اصوبه ابعينه والعسكر عليه يلتم
شخص شايل عمود ووجه يتبسم
يگول ابـ هالعـمود الراس يتهشم

من يوگع نحز نحره ونوذره
باچر ظهر ابو اليمه نكـسره

نروح لخيامه .. يريد انتقامه


سهم عبدالله هذا وحـرمله امحضره
ولا يشرب الماي وينگـطع نحره
وشمر مايخفي كرهه وحقده عالعتره
يگول حسين باچر ارفس ابصدره
اذبحه من الگفه حقداً على الزهره
يـ بجدل خنصره البي خاتم تبتره

صدر الـباسته الزهره الزچيه
رضو بالخيول الاعوجيه

نكسر عظامه .. يريد انتقامه


يگـولون الخيـم باچر احرگوهه
ولا واحد سـمعته گال اتركوهه
نريد انشـوف زينب من تطلعوهه
هذاكه ايصيح هاي اعليه خلوهه
نعم بسياطكم باچر اجلدوهه
ابوفاضل يحبها لا ترحموهه

يا أجمل خبر عد آل أميه
باچر بت علي عدهم سبيه

وسلبو اليتامه .. يريد انتقامه


كلمات الشاعر : السيد عبدالخالق المحنة



تنـــزيلmp3
___________________________


Zahraa

[❀ ميكان ❀]

Zahraa ❤️ Al obaidi
،
تسلمين حبي على المجهود الحسيني المبارك
حفظك الله ، في ميزان حسناتك يارب
موفقة

[ღ عِشق ღ]

Zahraa ❤️ Al obaidi
،
تسلمين حبي على المجهود الحسيني المبارك
حفظك الله ، في ميزان حسناتك يارب
موفقة

ربي يحفظچ غاليتي
نـورتي،









.

[علي الواسطي]

شكرا زهراء للمجهود

تقيمي المتواضع

[ღ عِشق ღ]

شكرا زهراء للمجهود

تقيمي المتواضع

ممتنة لمرورك علي يااهلاً











.

[ৡ⚘أೂـيـر ألـنـ੭ــل⚘ৡ]

عَظَّمَ اللَّهُ أُجُورَنَا بِمُصَابِنَا بِالْحُسَيْنِ (عليه السلام) وجَعَلَنَا وإِيَّاكُمْ مِنَ الطَّالِبِينَ بِثَأْرِهِ مَعَ وَلِيِّهِ والْإِمَامِ الْمَهْدِيِّ مِنْ آلِ مُحَمَّدٍ


بوركت جهودكم

[ღ عِشق ღ]

عَظَّمَ اللَّهُ أُجُورَنَا بِمُصَابِنَا بِالْحُسَيْنِ (عليه السلام) وجَعَلَنَا وإِيَّاكُمْ مِنَ الطَّالِبِينَ بِثَأْرِهِ مَعَ وَلِيِّهِ والْإِمَامِ الْمَهْدِيِّ مِنْ آلِ مُحَمَّدٍ


بوركت جهودكم

آمين
شكراً لحضـورك أمير،







.