هنا

[ღ عِشق ღ]

الليل نتخذه جـمل .. وسـفه يبـن خير العمل
غير احنه الكفــو .. نعوفك للعـدو
شـلون ... شـلون
زلمـك واتعـرف .. يابيـرغنـه رف
تهـون ... تهـون

ضهضب اعضيده .. وليه رفع ايـده
گله لو بالهوى اطشر مااعوفك
كلشي يرخصلك .. اليوصل الظلك
تنگص اچفـوفه وحگ شمرة اچفـوفك
انه وصحـابك .. فدوة لتــرابك
عميه عينه المو درب لله يشوفك
بعد عباسك .. أدري بحساسك
مو على روحك تخاف اعلينه خوفك

اصحابك وانه فده
لشيبة لحيتك يالنده

يادگة الگلب .. طب هاي الحرب
بجون .. بجون
غير احنه الكفو .. نعوفك للعدو
شلون .. شلون
_____________________________

لو الف مره .. انذبح واتذره
گام ابن عوسجه وعـبر عن هيامه
وغيـره گال آنه .. الأفــدي مولانه
اتسابگو عالموته ويلي اشهل شهامه
الطبو ابگلبه .. ذابو ابحبه
بالطف اعمامه بگت تسبگ اعمامه
انته يـا أول .. عشگ بي ننـدل
ادروبنه وهذا العشگ مابي ندامه

مو فقط صاحبهــم أبو
يحسـونه ابو طول الحلو

نافع دمعته .. سبگت چلمته
تهون .. تهون
غير احنه الكفو .. نعوفك للعدو
شلون .. شلون
_____________________________

تريدنه نعوفك .. اشلون ونشوفك
توگف ابوحدك ابنص هاي العساكر
هايه موش النه .. نعوف صاحبنه
انفذ احنه وانته بس اعليك تامر
صعبة الشده .. اتبين العنده
غاية واحنه اوياك غايتنـه الحوافر
احنه غايتنه .. الخيل تسحگنه
من زهير الحد حبيب ابن مضاهر

غيرك ولا شفنه صدگ
مو حگنه سودنه العشگ

شفناك وبعد .. ماشفنه ابد
لون .. لون
غير احنه الكفو .. نعوفك للعدو
شلون .. شلون
_____________________________

اشنگل للزهره .. كون نتبره
منك وهاي الحياة الها نهايه
الزلمه بالموقف .. ولجلك ايشرف
انموت ونضل انتلفت بلمنايه
ياهو يستاهل .. خاطر انقاتل
لخاطره خلافك واسمه انشيله رايه
عيونك الجنه .. لاتشــوفنه
اكتفينه ابشوفتك ياجنه هايه
وعيون سبع الگنطرة هالموت نشري مشتره

غيرك مانحب .. اصحابك ننحسب
كون .. كون
غير احنه الكفو .. نعوفك للعدو
شلون .. شلون
_____________________________

باچر الوادم .. عن بني هاشم
لو حچوا وتذكروا هاي المواقف
ونفرض انو احنه .. نبخل ابدمنه
وانته تبقه ابظهر خالي وريج ناشف
من الصدگ زحمه .. نتـرك النعمه
وطاري مايبقالنه ابين السوالف
اشمحـله طارينه .. ويه غالينـه
وباچر انته اتـگول من عدهم مشايف

من هسه سرفنا السمر
گبلك نموت اعله الخدر

باچر بالفعل نخلي ينذهل
الكون .. الكون
غير احنه الكفو .. نعوفك للعدو
شلون .. شلون
_____________________________

الله رازقنه .. وصحبتك صرنه
هايه نعمه الما بعدهه اتصير نعمه
الشافتك عينـه .. تخضر سنينـه
المن ضمن اسمه ايعيش اسمه
چنه بي نسمع .. اسمك ونخشع
وحلم عدنه لو طرف ثوبك نلزمه
دارت الدنيه .. وصارت المُنيه
والتقينه وعن قـرب عطرك نشمه

اشر بصبعك وانتچي
وعيونك انلم الحچي

يبن البسمله .. حملك احنه اله
متون .. متون
غير احنه الكفو .. نعوفك للعدو
شلون .. شلون
_____________________________

الكلمات لـ : مرتضى حرب

تنــزيلmp3

zahraa

[الملاذ الاخير]

احسنتِ النشر زهراء .. في ميزان حسناتج

[ღ عِشق ღ]

احسنتِ النشر زهراء .. في ميزان حسناتج

نورت احمد شكرا لمرورك