اهلاً بالسيد والسادة .. بيرغهم فوگ الراس
ديوان الطف روس القادة .. ومعزبهم عباس
عالعين وفوگ العين .. وهنا مگاعد حسين
ديوان الطف روس القادة .. ومعزبهم عباس
يحسين اشهد .. ملزوم الحد
والملعب حار بحار
الما يبرد .. والما ينرد
تلگاهم بالانصار
لاولاد العم .. مرخوص الدم
والثار لأهل الثار
احنه انصارك .. ونرد ثارك
والعار يطمه العار
نترخص من عم الساده
ونطب احنه الميدان
خل هاشم مرتاحه اسياده
واحنه ابطگهن فرسان
عالتكلف متحـزمين .. وهنا مگاعد حسين
ديوان الطف روس القادة .. ومعزبهم عباس
__________________________
لاما انعوفك .. فوگ چفوفك
مانركب ظهر الليل
زلمه بزلمه .. نفوت بهمه
بالروس نعثر الخيل
زامط بينه .. يابوسكينه
عالموت انهد الحيل
احنه ازلامك .. شد حزامك
ونشوف الغثك وين
شياب وشبان الحومه
يرحولك فدوة وزود
الجيش الگدامك هذا
چن بالطف ماموجود
ورجالك موجودين .. وهنا مگاعد حسين
ديوان الطف روس القادة .. ومعزبهم عباس
__________________________
يضحك سيفك .. وانته بكيفك
شتريد ايصير ايصير
انجب الماي .. وجرف الماي
انزل حتى الطير
ابصدرك فوت .. اگبال الموت
ازلامك كلهم خير
انطينه ارواح .. وروس ارماح
اعذرنه من التقصير
حگك والحگ يابوسكينه
ماطايـح جوه فراش
صحبانك بالطف تدرينه
ماماشينه الغشاش
واليوم انرد الدين .. وهنا مگاعد حسين
ديوان الطف روس القادة .. ومعزبهم عباس
__________________________
عباس اسمع .. بس خل نطلع
اتاح وشوف شلون
باچر بالطف .. من نتحزم
نگلب حالات الكون
صحبان حسين .. احنه العدلين
احنه الما يوم نخون
غيمنه البر .. طبينه الشر
والعالو مايبقون
بس ضوي الساحه وخلينه
وياهم ياعباس
اليطب والسيف ابچـفينه
مايرجع شايل راس
احنه البطف وكحين .. وهنا مگاعد حسين
ديوان الطف روس القادة .. ومعزبهم عباس
__________________________
مو سبعينك .. ترسو عينك
والشيعه وياك جنود
وين العافك .. والما شافك
واحدهم مامريود
لو ماتعرف .. يوفون الحگ
وانصارك بيهم زود
درب الكوفه .. بساع اتعوفه
وچن واحد ماموجود
خسرتها الشيعه ابتاليها
من اختلفوا بالراي
عطشان ومحتار ابروحه
جـوا نهـرين الماي
غلطتهم مختلفين .. وهنا مگاعد حسين
ديوان الطف روس القادة .. ومعزبهم عباس
__________________________
اسمع وافهم .. من تتعلم
شيريد حسين هنا
الزم ظهري .. والزم ظهرك
ونعيش انموت ويا
لازم نتعب .. وحدوا المذهب
والقادم نتلگا
الثار الثار .. ايضل تذكار
انموت وماننسى
باچر مهدينه ابچفينه
رايتنا اتصير شراع
بس خل واحد يلزم واحد
احنه النحكم بالگاع
غلطتهم مختلفين .. وهنا مگاعد حسين
ديوان الطف روس القادة .. ومعزبهم عباس
__________________________
كلمات الشاعر ~ حسين البغدادي
تنــزيلmp3
Zahraa
رد مع اقتباس
المشاركة الأصلية كتبت بواسطة ؏ــچۚــېْۧــد ̨اڸــڭــﯣمۘ
