هنا

[ღ عِشق ღ]

لگيته الوحده .. ويضحكون العده
ركضت وصيـحوا .. بده اينازع بده

توه طاح .. وانه شفته هيه طيحه وهيه رگضه
اعله الرماح .. ردت الحگ عود اخيچ
كلت اكضه

مديت ايدي اله ومالحته من طاح
من صدره وگفا لايحته الرماح
يازينب عمود اخيامچـن راح

شيطلعه من السـّهام .. زينب طيحي الخيام

شعدچن بالخيم راعي الخيم مات
من هسه وبعد صرتن سبيات

وحزام الظهر راح
____________________________
يازينب كافلچ طاح .. وحزام الظهر راح
خويه وهاي صعبة الچلمه تنگال
ماضل بي كتر للخيمه ينشال
وحزام الظهر راح
____________________________

مرد چبدي مرد .. ندهته وما گعد
تفارگنه وگضت .. اظل المن بعد

منين افوت .. وحگ خدرج ماندله منين دربي
راح اموت .. راح يوگف وانه واگف كضي گلبي

وحگ ذني الاجني اركاض وثغيب
الف مرة من اموت اعليك ماطيب
بعد كافل امنين الـزينب انجيب

اگعد صاحت الناس .. ضلو ابـلايه عباس

كضني وانه اكضك زينب تصيح
خاف اتطيح حته ثنين انطيح

وحزام الظهر راح
____________________________
يازينب كافلچ طاح .. وحزام الظهر راح
خويه وهاي صعبة الچلمه تنگال
ماضل بي كتر للخيمه ينشال
وحزام الظهر راح
____________________________

نكسر ظهري انكسر .. يزينب عالنهر
شسوي اتحيرت .. متت من القهر

كلشي مات .. انطاني عمره مدري انه انطيته عمري
كلشي مات .. كسر ظهري الچنت اصيح احزام ظهري

تطشر كله يختي اشلون ينشال
من تلوحه الشمس مايطلع اخيال
راح الچان يعدل ظهري لو مال

يختي اتحيرت بي .. حته الهوه يدني

طايح عالنهر بس من السهام
المن بي من الشاطي للخيام

وحزام الظهر راح
____________________________
يازينب كافلچ طاح .. وحزام الظهر راح
خويه وهاي صعبة الچلمه تنگال
ماضل بي كتر للخيمه ينشال
وحزام الظهر طاح
____________________________

هوه وراح الهوه .. التوه طاح اللوه
حلم ريته وافز .. وارد نگعد سوه

فدوة گوم .. فكلي عيني كافي تشهگ موتتني
فدوة گوم .. وحگ زينب يابوفاضل تعبتني

گوم الخاطر اصياح النساوين
كلها اتصيح عطشانه يالحسين
وتكسر ظهر اخيك چلمة الوين

خويه اتصيح اعداي .. ضل ابحسرة الماي

ابگلبي اشگد حچي ابگد فرگتك هاي
الله وياك لا كون الله وياي

وين الله واموت وتگعد انته
من گد عازتي الحضنك يعباس
حته السهم كضيته وشبگته
اوصل للخيم ولوجهك اندار
واركض وانهطر والگاك سكته
كسرة شيخ يم المالها شيوخ
هيچي حسين بفراگك كسرته

اول مرة الحسين .. تفزعله النساوين

حسين الما مخلي بخاطرك يوم
يحط ايده اعله زينب خاطر يگوم

وحزام الظهر راح
____________________________
يازينب كافلچ طاح .. وحزام الظهر راح
خويه وهاي صعبة الچلمه تنگال
ماضل بي كتر للخيمه ينشال
وحزام الظهر راح
____________________________

ثلم عينه السهم .. انهدم حيلي انهدم
يزينب ايست واجيتچ كلي دم

راح اخوچ .. ردت اشيله بس يزينب وذر صاير
راح اخوچ .. مدري المه من السهام من الحوافر

گد مارگضت الخيل اعله عباس
ماضل بي كتر ياخويه ينداس
ماعندك تخوان اتصيح الناس

صحتچ ماطلع صوت .. لحگي اعليه لاموت

للخيمه من اشيله ينلچم خاف
من صدره يزينب ظهره ينشاف

وحزام الظهر راح
____________________________
يازينب كافلچ طاح .. وحزام الظهر راح
خويه وهاي صعبة الچلمه تنگال
ماضل بي كتر للخيمه ينشال
وحزام الظهر راح
____________________________

كلمات الشاعر : محمد الموسوي

تنزيلmp3


Zahraa

[عليـﮯ آلبصـرآويـﮯ]

كلمات توجع ومجلس محترك

شكرا لك زهراء

[الملاذ الاخير]

احسنتِ زهراء .. جزاج الله خير

[ღ عِشق ღ]

كلمات توجع ومجلس محترك

شكرا لك زهراء

شكرا لتواجدك اخي

احسنتِ زهراء .. جزاج الله خير

اهلاً وسهلاً احمد نورت