هنا

[¥محبوب$القلوب¥]

يليله انموت من دونه * علي إسم الله على عيونه
گـلاّلي عطشــان ورحل يا ليلــه
مو هذا وكتچ يالله گومي ادعيله
ـــــــــــــــــــــــــ ـــــ
شفته عطشان وحسافه تعذرتله
هسه ودعني الزرعته بگلبي شتله
من رخصتك گلي و الله وياك گتله
وجدي گال ايــرد اذا أمه انعـدتله

نعيش ابلا علي شده * دعائــچ الله ميرده
بس الله يعلم حالتــچ واحچــيله
مو هذا وكتچ يالله گومي ادعيله
ـــــــــــــــــــــــــ ـــــ
ليله دعوه من الگلب لبني اندعيها
بصوت ناصي وبس أريدن حرگه بيها
الله يسمــع أم اذا فتحـــت اديها
الله جنه انطاچن وتمشــن عليها

يليله انروح إله فدوه * علي ويستاهل الدعوه
كون الله بس من ينزل يشد حيله
مو هذا وكتچ يالله گومي ادعيله
ـــــــــــــــــــــــــ ـــــ
الله حيل ايـحب دعاء الأم لبنــها
انتي بس ادعي السمه فتحت اذنها
دعوة الأم حلوه والمفتـــاح چنها
وچي قريب الله يحب يسمعها منها

قريب الله اعله دعواتج * اشتگليله بمناجاتج
بشوگـچ للاكــبر كونـــچ اتگليله
مو هذا وكتچ يالله گومي ادعيله
ـــــــــــــــــــــــــ ـــــ
وصعدت لسابع السمه الدعوه العجيبه
غير ليله اتوســلت لـ الله بحبــــيبه
بگاع غربه ودعوة الأم هـم غـريبه
ربي بسم حسين اريد ابني تجيبه
استجاب الله ورجع سالم * خلص من بكر ابن غانم
يا ليله رد . ابنـچ عـــلي تچـّـيله
مو هذا وكتچ يالله گومي ادعيله
ـــــــــــــــــــــــــ ـــــ
رد علي بس الحسين بعيـنه دمعــه
يدري صحوت موت هاي وبيها رجعه
هسه كون آخــر وداع ابنه يــودعه
خده ضل بلحيته دمعـه يــوزعه

يليله الشغله مو سهله * علي الاكبر وصل چتله
صلي ركعتيـــن الشــكر واهديله
مو هذا وكتچ يالله گومي ادعيله
ـــــــــــــــــــــــــ ـــــ
ليله هالمره علي ميــرد علينــه
الله هيچ يريد يا ليــله اشبدينه
بعده للعشرين ما وصلت سنينه
راح الاكبر راح ابو الروح الحنينه

واذا الاكبر . مشه عنه * على هذا الدرب كلنه
باچر يصل إلنه الســره ونمشيله
مو هذا وكتچ يالله گومي ادعيله
ـــــــــــــــــــــــــ ـــــ

مهدي عبد الحسين التقي

الرابط المباشر للقصيدة بصيغة الوورد

[تشارليز ليلان]

احسنت