الساتر الله العباس صاح النهر من خوفة
الگاع شردت بالخيل خذهم ركض للكوفة
زعل شيفضهه وي سيفه
الرگب يختارهه بكيفة
أخذ من النهر حيفة
ضرب ماية وهتف
عباس
زغير الطف على يميني
الشرد هم راح يلگيني
لدافع ابقى عن ديني
الهوى گبالي نزف
نزل مثل الضوة بغيمة
گمر طلعت تقاسيمة
ازدحام وصبحت هيمة
نزل والله لطف
عباس
لمع عباس بتارة
حلن ريشاته واخبارة
رگب خلاها تجارة
أخو أُم عون وحلف
عباس
غضب جاي .....گطع رزق السيوف
بشمرة إذراعة
عباس
غضب جاي.....خلة الجيش يصرخ حانت الساعة
عباس
خافوا لا ام عون اتصيح
ياخدري ويرد يلتم
صاحوا لايرد ويصير
وسط الطف نهر من دم
واحد يندس الثاني
لا ماطاح لانحلم
ماكملوا والعباس
گام بياعلي تحزم
الساتر الله العباس صاح النهر من خوفة
الگاع شردت بالخيل خذهم ركض للكوفة
نزل وارتجف ميدانة
زلم سرفن وي ردانة
خجل ذب الاختة ذرعانة
وفي ومنطي عهد
عگدهم رجع حلاهم
حرگهم رجع طفاهم
رفعهم رجع طگاهم
اخو زينب بعد
غيور واية الخوة
اليمر براسة يتجوة
طلع ثاري النهر هوه
يروي من المهد
وگف والنجمة وازاها
على متنة الراية علاها
بطل مغوار طباها
أسد وإبن الاسد
هجم موت.....خله الجيش
يتعب يلزم اصفاحة
هجم موت..... حظر تجوال من عباس بالساحة
أول واحد العباس
يكتب عالنهر ذكرى
بوكتة والظهر من جان
جانت عالنهر گمرة
الجيش تخورس بملگاه
لطلعة نبرة السمرة
فكرة ومحتواها حسين
ياهو يموت الفكرة
الساتر الله العباس صاح النهر من خوفة
الگاع شردت بالخيل خذهم ركض للكوفة
موت الظهر شوفها
زلم بالصيف رجفها
بجدمة الگاع خاسفها
إبن ضربة علي
الشريعة انترست بدمهم
بناهم رجع هدمهم
ركض للنجف وصلهم
على الطف معتلي
فريضة وغيرته تحلها
يرد والغيم شايلها
لعد زينب يوصلها
يگص راس الظما
تموت الدنيا يم حيلة
الشمس شي من تفاصيلة
اليلاگي جفوفة ياويلة
خلسها بصارمة
يصيحون .....ذاك الموت واگف عالمسناية
يصيحون.....مانگدر شوية الكافل هواية
ثنه علجرف والماي
الخوف اتبخر گبالة
گطعوا چف اديه
وهناك كامل طالع خيالة
إنا الكوثر اعطيناك
ظل الجيش يقرالة
قليلة اليمنى لجل حسين
ذب عالمشرعة شمالة
الساتر الله العباس صاح النهر من خوفة
الگاع شردت بالخيل خذهم ركض للكوفة
كلمات: بشار السامي
اداء: الرادود علي الدلفي
الحان: ملا علي الدلفي
تدوين: براءة
للتحميل
رد مع اقتباس
بوركت الانامل الجميلة
