""نحب حسين هواي .. وعباس الوفاي""
زينب نادت منفشلها .. نطلب رخصه من الكافلها
امرچ فوگ العين .. زينب لتهمين
اليوم انذلهم .. مـ نطخ الهم
واحنه اصحاب حسين
ونرجع احنه شلون .. اگبـالچ ها يم عون
والله انشيل الشط وجروفه .. وجـوا يندفنون
وعباس الحـماي .. نحب حسين هواي
"نحب حسين هواي .. وعباس الوفاي"
هبت خـيل وريح .. وزينب عفيه تصيح
مبينه الغيره من الحاملها .. راعيها ومتطيح
روس انطگها ابـروس .. انضـل فوگاها اندوس
لا منحلها ومنزعلها .. وعباس المحروس
وبيد حسين الراي .. وعباس الوفاي
"نحب حسين هواي .. وعباس الوفاي"
لا مانرجع لا .. انموت اليوم اهنا
اليوم اشطبهم .. ماحاربهم
فنه الگايل لا
انطب والخيل اتدور .. وسالمهم مكسور
ياشط ياجيش اليلزمنه .. ونعبر سبع ابحور
امدربنه السگاي .. نحب حسين هواي
"نحب حسين هواي .. وعباس الوفاي"
صفوا زود وزود .. وعود اتشيل وعود
اكبار وكبروا عالطگ .. عبروا شاهدهم موجود
سيف ويثلم سيف .. لحد ماياخذ حيف
زلم الديره وجوه الغيره .. واحنه نعزب الضيف
ونصيد الرماي .. نحب حسين هواي
"نحب حسين هواي .. وعباس الوفاي"
صحبان المعروف .. وكل الدنيه تشوف
لا منصير احنه ويالباطل .. بس عالحگ انطوف
انگص ارگاب ارگاب .. وهام عدنا حساب
نهرين من الغيره انعادل .. متنگبين انگاب
ابهاي اعيوني وهاي .. نحب حسين هواي
"نحب حسين هواي .. وعباس الوفاي"
كلمات الشاعر - فاضل حسن
mp3
رد مع اقتباس