خله ابراحته موذر .. لايحتـار بالخـدر
گلوله الحچـي مگدر .. على زماطـه
باچر إلا اشيبهــم .. ويه الخـيل اركضهم
ويطيـحن شواربهم .. على زماطـه
يعـرف زينب ويدري .. بعيـون السمه قدري
نهـر عـباس ضل يجــري .. على زماطـه

"على زماطـه .. على زماطـه"

خاف ايفـكر ويتعـب .. اشلون ابكـربله زينب
ثورة الخدر المسلب .. وانه القائـد
انه ام عون واتكفل .. من اچفوفه للمحمل
غصبن عالـوكت يقبل .. انه القائـد
شاهد حرگ المخيـم .. منه وبعد مايسـلم
روس اعـداك تتثلم .. وانه القائـد

" انه القائــد .. انه القائــد "

خطيه اسمع شتـايمهم .. من تـرجف ملاحمـهم
والله الخوف كـاتلهم .. يبـوفاضل
من ايتامـي من عنـدي .. ماگـدرولي انه الوحـدي
زودك بيه متـبدي .. يبـوفاضل
راسك عاين المنظـر .. فوگ ارماحهم يحتر
كلش قلقو العسـكر .. يبــوفاضل

"" يخـو زينـب .. يخـو زينـب ""

بعد العطش والمقتـل .. گام المـاي يتوسـل
كتله اعتذر ماأقبــل .. نهـر ضــامي
اعاين جـرفك ابذله .. چان العطــش حيل احله
ناصي وابـد ماتعلـه .. نهــر ضــامي
معقـوله وصـدگ انته .. خـذت عباسنه بسكتـه
ثار اچفــوفه وانه إختـه .. نهــر ضـامي

"" نهـر ضــامي .. نهر ضــامي ""

عـادي الشام خل تفـرح .. نسمع كلمه التجـرح
اسـكت بعد مايصـلح .. ييـوسكينـه
نار اگلبي ماتبرد .. من الواحـد الأحد
شـوف وراسك اليشـهد .. يبـوسكينـه
منظر هيبتـي يـخلس .. من طبيـت للمـجلس
خليـت الزلم تهـمس .. يبـوسكينـه

" يبــوسكينـه .. يبــوسكينـه ""

كلمات الشاعر _ حسين البغدادي

mp3