هله بطلعة علي .. هله بـكشخة هلي
اوليـداتي ونعـم
تعدلون الحـچي .. وتسكتون البـچي
" زلم والله زلم "
گبل ماسولف عليكم وأحـچي كلشـي ابالي
انتم اعزاز الگلب وحسين كلـش غالي
انه مكتوبه ابوصيتـي سيوفكم تبـرالي
من يصير الموت ناصي خل حچيكم عالي
العمر كل العمر .. مواقفكم نذر
تعــرفون المهم
تعدلون الحچي .. وتسكتون البچي
" زلم والله زلم "
بصاية الله لوطلعتو خل ترف راياتكم
وين ماعاين حسين اتمركزوا ابوگفاتكم
شيموه اگبال ربعه لو حچه ابصولاتكم
ومثل ماگعد ابگلبي خل يضل بيناتكم
وعلى طول الدرب .. گلب يحچي لگلب
الوعد حرب وسلم
تعدلون الحچي .. وتسكتون البچي
" زلم والله زلم "
يمه ياعباس اخوتك عالضـعن حمايه
وانته كون اگبال زينب توگفلهم رايه
خاف وادمنه تشوفه وتوصلنه احچايه
خلي سيفك عالخدر كلما تطب اولايه
الهوداج والعبي .. بي مثل وحي النبي
صعب ماينفهم
تعدلون الحچي .. وتسكتون البچي
" زلم والله زلم "
خطوه خطوه اويـاكم امشي وتارسيتن احساسي
انتم ابياض الوجه وازماط بأهلي وناسي
طيحوا واحد وره الثاني خل تضيگ انفاسي
انه اريدن وجع بيكم حتى اشيلن راسي
اليه ابكربله .. مواقف مرجله
حقيقه وبالحلم
تعدلون الحچي .. وتسكتون البچي
" زلم والله زلم "
ابوفاضل بعده وحده وانته تتلاگها
النا حصه اعله النهر عباس لا تنساها
هيه مو ماي وعطش والمشرعه تتباهه
اهمشي دمعه رقيه اتطيح كون وياها
على چفوفك فخر .. عطش ذل النهر
لإن ازغر حجم
تعدلون الحچي .. وتسكتون البچي
" زلم والله زلم "
( إيسـمونه ..إبن البدويــه)
كلمات الشاعر- حسين البغدادي
mp3
رد مع اقتباس
المشاركة الأصلية كتبت بواسطة طُهَرالْغَيم
