هنا

[عباس الملا]

جرح البُعد چتال .. وانته اعلم بهل حال
آنه العليله وغيبتك كلفه عليه
انتظرك تردلي اضل صبح ومسيه

.............
يبويه طالت الغيبه ولا منك خبر جاني
چنت زهره وذبل عودي خريفك بويه اذاني
چنت اروه بنظر وجهك بسمتك تجلي احزاني
رحت عني وعفت دمعي سهام تجرح اجفاني

يوم الرحت للآن .. ما غمضت الأجفان
وبكل صلا وبكل دعه ارفع اديه
انتظرك تردلي اضل صبح ومسيه
............
لون اغفه اشوف احلام ذياب وتنهش احجابي
يمر وكت العصر بويه واذكرك وبدي بعتابي
وصدن للدرب وانطر بيا ساعه تدگ بابي
عشت قصة غرب صعبه وانه يم اهلي واحبابي

دمعي بگه سچاب .. كل ساع اصد للباب
يافرحت البيت اصبحت داري خليه
انتظرك تردلي اضل صبح ومسيه
...........
چنت ياهيبتي وذخري حياتي وبسمت افراحي
يجن ليلي وتمسيني وتصبّح انته بصباحي
اذا تبعد ولو لحظه تضل تتكاثر جراحي
جرح هجرك هدم حيلي يكسّر بُعدك اجناحي

گلبي صبر مجبور .. طير بجنح مكسور
جنحي انكسر بويه مثل ضلع الزچيه
انتظرك تردلي اضل صبح ومسيه
............
يبويه بحالتي تعلم غيابك ذبّل جفوني
ترد ليه بعد فتره يغالي چانت ظنوني
أعيش المن بعد عينك صحت بحزاني دفنوني
ردت وجهك ولو مرّه أنظره وتغمض عيوني

شيصبر المذبوح .. وجهك يردلي الروح
ذابحني هجرك يالرحت للغاضريه
انتظرك تردلي اضل صبح ومسيه
............
اخاف دموعي تعميني وترد ما شوفك بعيني
اكفكف بالد.مع واصبر واكول الساعه يلفيني
أرد وتذكرك بويه واذكرك من تحاچيني
ترد بعيوني دمعاتي ويضل دمعي يسليني

يابويه گلي شلون .. والفرگه تعمي عيون
خل انعمي لو روحتك مابيه جيه
انتظرك تردلي اضل صبح ومسيه

ابو قاسم الملا

[عليـﮯ آلبصـرآويـﮯ]

ادام الله قلمك