حيره اتجيبني وتاخـذني حيره
غـريـب ابلا اخـوان ولا عشـيره
هوَ العنـّده ابن عـم مثل عبـاس
شلون اچفـوفه تنشـّد كون تنباس
حيـره .. حيـره
ياريح مرني وشوف الجروح
وغرب لاهلي ووصل اعلوم
گلهم أبنـكم حاطته الخـيل
ومن الطـعن مايـگدر ايگوم
طاحت اعمـامة راسـه بالسيف
وصارت من الـدم حـمره الهـدوم
ضل إبن نساب العـرب
بس يـطگ چـفه ابـچفـه
تثگل اهـدومه الـدمه
الـما واحد إيشد نـزفه
الما يمْه أخـوته وينطعن
مايسمع اليـا وسـفه
انا أبن قاده امن انـولي
ماحشـّم الما اعـرفه
هلي وسيوفكم صارت بعيده
ومسلمكم حَبـّلهم چـاتف إيده
هلي سـلو السيوف وشدوا عالخيل
رايدكم تسوون الظهر ليـل
وين حسين خل يـلحگ سـفيره
حيره .. حيره
___________________________
وليه واخذ مني العطش حيل
ومشدود چفي ودمعي سايل
حشمت كون اهلي يسمعون
چا سرجوا اظهور الاصايل
اشما تصطف اگبالي أهل الجيوش
تنحل مثل حل الجدايل
عادة الزلمة الينولي
اتبين العازه ابـعينه
ومسلم يهل مسلم ترا
الما هم زلم والنه
من انطعن ظهري اصرخت
هسه ابوفاضل وينه
افزع لابن عمك ترا
باقي ابطرگ چفينه
كبرت حيرتي من ادنه موتي
واگبالي اعرضن وگفات اخوتي
غريب ومن اموتن جثتي تنعاف
وانه من الغرب ماريـدن اچتاف
محتار النظر لاوين اديره
حيره .. حيره
___________________________
دمع الهظم من الجفن سال
والينهضم من يبچي معـذور
ديـرة خـناجر بيـها طبيـت
وادمـها ابـد ماتنـطي اظـهور
ردت أضـم روحي وماانضـميت
من يشــتعل شيـضم البـخور
الهضمتـني امشـي والتفـت
وانه ابن وادم قاده
متعحبه روحي من الغدر
ماعدنه هـايه العاده
ياناس شيطيب الجرح
من يبطي عنه اضماده
مشتاگ اشوفن ياهلي
لمعة اسـيوف السـاده
هاشم يهل السيوف الثجـيله
ابنكم خلص من الطعن حـيله
مذبوح وعليكم شابح اعيـون
يحشكم وانتم ماتسمـعون
بُعــدكم زود اجروحه الچـبيره
حيره .. حيره
___________________________
ضليت وحدي وچلچل الليل
وباب طوعه اوگفت خجلان
انه وهلي مامار ابعوز
ولا واگفين اگبال بيبان
عطشان گلت وگالت الروح
اليعشگ حسين ايموت عطشان
عادة اليطيح ابنص حرب
راية هـله اترف فوگه
بس اليطيح ابنص غرب
طوله السيوف اتبوگه
ياهلي وانه من الهضم
روحي حرگ محروگه
راح انشمر من القصر
واجفوف ايدي مشبوگه
يرفرف بيرغ اهلي اليوم اريده
طايح بالغرب والد حميده
اصيحن بلكي يوصل صوت الحسين
بيه المو كفو حطو نياشين
وصارت روحي عد خصمك اسيره
حيره .. حيره
___________________________
غربة وظهر خالي من الاخوان
وحدي وگفت بين العساكر
سولفت بس ماينشره الصيت
يم ناس بياعة ضماير
وراسي لهلي كلساع يندار
روحه بهله تصير اليسافر
من صعدوني اعله القصر
دارت على اهلي اعيوني
وذكـرّت چفين الگمر
من رادوا ايـدفعوني
تعذبت من غدر الزلم
والوجع غير لوني
ياوسفه چم مرة صحت
بس اهلي ماسمعوني
ردتكم ياهلي اتفزعون ليه
وعمايمكم هضم تنذب عليه
انه اعرف الميت غير ينشال
ابنكم راحوا يجرونه بحبال
وديره التاخذه وترده ديره
حيره .. حيره
___________________________
كلمات الشاعر: مصطفى حرب
تنزيلmp3
رد مع اقتباس
