تعيش بضميري نواعي مصيبه
قصة يتامه بالفله
صرخة محرم احسها قريبه
آه يامصايب كربله
روحي .. تنطر محرم من يهل
روحي .. ويه الخيم تطفى وتشتعل
روحي .. تحترگ من اسمع طفل
حاضن ابو والنبله برگبته
ميت رضيعه يموت بحسرته
امه تنادي تريد اتگمطه
واعظم مصيبه مصيبة عمته
ياكربله ياكربله ياكربله
هل يامحرم اتاني تجيني
احسب ليالي وانتظر
لضعن الفواطم اخذني ونيني
شفت الچفافي مو خضر
مابي .. ضعن الهواشم هاشمي
مابي .. ياروحي حيل اتألمي
مابي .. كلهم صفو عالعلگمي
يذبح دليلي ونين الفاجده
فوگ الوطيه زلمها اموسده
تنعى واخوها ذيح ابكربله
راحن خواته سبايه اويه العده
اتمنى اعيشن حدر ذر خيمتك
لوهلّ محرم تحترگ
دوه جروحي التحس بالهضيمه
إلا بحوافر تنسحگ
طايح .. اثمنطعش حارس للخيم
طايح .. كافل خواته والعلم
طايح .. بيت وفرد ساعه انهجم
هل يامحرم اريد اشبع بچي
الماله اخو على چتفه يتنتچي
هل يامحرم اريد اشبع لطم
شبعت شماته خدر الله وعلي
ياكربله ياكربله ياكربله
باقي ليالي عدد مو بعيده
وتبدي مصايب النهر
يبقه حبيبي اينادي عضيده
ظهري يعباس انكسر
خويه .. اتشمتو بحسين العدو
خويه .. الينطر على خيامك منو
خويه .. يتمرمر الماعنده اخو
الخاطر غربتي منامك اجله
ترضه بناتي يضيعن بالفله
گوم اعله حيلك اخوك لوحده
وحرگوا عليه خيامي بكربله
كلمات الشاعر: احمد الهلباوي
رد مع اقتباس
