هنا

[ღ عِشق ღ]

حيهم ياجرحي لا تنسى حزني
لايغفى جفني ولا تمل
عيش بضميري صاحب مصيبه
ضعن الغريبه اعله الهزل
دار الزمان وصارت سبيه
من الغاضـريه للحـبل
لا تبرد يجـرحي السالفه اتريد
لطم ليل ونهار اعله الخـرايب
خلص عاشور بس ماخلص النوح
اجاك الشام حفنه اجروح جايب
ماريد اعله الخدمه انسبگ
وبس للبواچي ابقه انطلب
ياجرحي احرگني وأحترگ
أخت الگمر بين الغرب
مدري شلون اوصارت صدگ
وعرفوا اسمها بالدرب

" يالوعة ألما .. والفرگة اشيلمها
لو ما كربله جان .. محد گال اسمها "

تعلم يجرحي .. خاف انته ناسي
دين المواسي .. بفطرته
المن نصيبه .. من المصيبه
هو وامامه .. ودمعته
ابچي لـخوته وخدر ونشامه
طيحة خيامه وغبـرته
الما ممكن يجرحي بكربلا شلون
الماي يصير غالي ويرخص حسين
ثلاث ايام بالبر واليـمرون
محد گال هذا الطايح منين!
كون الليله ادموعي تهلي
اكثر من ادموع الامس
روح الزهره ومهجة علي
بين الحوافر والشـمس
والـ عالناگه يريدن ولي
ايصيحن ولا چن ماكو حس
كلشي لخدمته ايهون
فده كل اهلي يرحون
بس امصاب الحسين
يبقه ابنص العيون
كلفه المصيبه .. ويادمعه تشفي
ياحسره تكفي .. ويـا ألم ?
اشحال الغريبه .. راحت لـخـوها
من طلعوها .. من الخيم
ع الغبره عاري ماگلها ضامي
ضل يشكي لأخته من السهم
اكسرني ياجرح ضعن الله مكسور
وخلص شوغات گلب أم المصايب
طلعت للسبي وثار اليسر فات
وربيبات الشرف صارن غرايب

هذا الشام ودرب اليسر
ما ارضه تبرد ياجرح
ناگه وشوغه اباب القصر
وراس الكفلهن عالرمح
ومنين ايجيبلهن ستر
واهل الستر خلصو ذبح
راحن والسبي بعيد
وخوف يرجف الإيد
ستر واهل الستر وين
گلي الدمعه شتفيد

حيهم يجرحي .. والد رقيه
ضل عالوطيه .. بلا چفن
سلبوا عباته .. وضلت خواته
لاحامي خيمه .. ولا وطن
ذبحوا وليهن چتفوا اديهن
فوگ الهزيله اتسلبن

سبي طلگت الدنيا وجابت الشام
وكت بي چان ابو النوماس غايب
يريت الدنيا كلها اتصبح اگبور
ولا تگعد رقيه اعله الترايب
موت وخوف ونار وجمر
الله اكبر كربلا
اتبات الليل الحد الفجر
فوگ الهزل المـدلله
اشلون ايصير ابهذا العمر
تحمل رقيه السلسله
طفله ومرمروهـا
ولو ناحت ولوها
گضاها امناوب النوح
هيه وراس ابوها
كلشي تركته.. وابظهري عفته
عالخدمه وجهي مادرت
بالخدمه ديني .. وعلمي ويقيني
لوما المجالس ماصرت
بدموعي ذني .. اشعر كأني
عن حُب إمامي تأخرت
لا تبرد يجرحي حسين عطشان
واعز مخلوقه لله بالسبي اليوم
الدمعه التصنع من الطين إنسان
الغيرة من الله مايراد تعلوم
ياجرحي الماطالع طلع
ذاكه الظهر من دون أخو
طاف اچم اولايه ورجع
ضعن الغريبه اويه العدو
ياوسفه الماشهد سمع
اليحدي ابخدر هاشم منو
اليحب محبوبه لو راح
وصوته من البچي ارتاح
صاحن واحنا شنصيح
من سگف الخيم طاح
لا اخوان اصفيت لاام لا ابو
والحده اضعوني يولاني عدو

-

كلمات الشاعر : احمد الهلباوي

كتابة : zahra

[حسن هاشم]

شكرا لمجهودج زهراء

[ღ عِشق ღ]

شكرا لمجهودج زهراء

شكرًا لمرورك



..